Хабарҳои ДДТХ (842)
УМРИ АЙНӢ АЗ БАРОИ ХАЛҚ САРФИ ХОМА ШУД
Бахшида ба 145 - солагии Қаҳрамони Тоҷикистон, сардафтари адабиёти муосири тоҷик устод Садриддин Айнӣ дар муассисаҳои Ҷумҳурии Тоҷикистон маҳфилу чорабиниҳои гуногун гузаронида истодаанд.
Вобаста ба ин санаи муҳим, 25-уми апрели соли 2023 дар кафедраи забонҳои Донишгоҳи давлатии тиббии Хатлон маҳфили илмӣ-адабӣ баргузор гардид.
Дар маҳфил муовини ректор оид ба тарбия ва фарҳанг Қурбонмамадов С.Х., мудири кафедраи забонҳо Одинаев С.П., профессори фахрии кафедра Должикова В.А., сардори бахши гурўњи назорати сифати тањсилот Қурбонов Х.Ш., сармуҳаррири рӯзномаи “Пайки шифо” О.Саркорӣ, омӯзгорони кафедра ва донишҷӯён иштирок карданд.
Мудири кафедраи забонҳо Одинаев С.П. маҳфилро ҳусни ифтитоҳ бахшид. Номбурда оид ба тарҷумаи ҳол ва осори устод Айнӣ маълумоти мухтасар дод.
Дар идомаи чорабинӣ муовини ректор оид ба тарбия ва фарҳанг Қурбонмамадов С.Х. дар бораи қаҳрамониҳои беназири устод Айнӣ суханронӣ кард. Қайд гардид, ки нақши устод Айнӣ дар ҳифзи таъриху фарҳанги ин миллати куҳанбунёд хеле бузург аст ва ӯ барои бузургдошти халқи тоҷик муборизаи беамон бурдааст. Устод Айнӣ нобиғаи нотакрор буда, дар асари худ таҳти унвони “Маънои калимаи “тоҷик” ва услуби нигориши он, ки ҳамагӣ 24 саҳифаи дастнавис аст, 208 маротиба калимаи “тоҷик”-ро зикр намудааст ва барои исботи фикраш далелу санадҳои раднопазир овардааст.
Профессори фахрии кафедра Должикова В.А. қайд намуд, ки устод Айнӣ бо гуфтори нек, кирдори нек ва рафтори некаш номи неки худро дар ҷаридаи олам ҳамешагӣ сабт намуд.
Сармуҳаррири рӯзномаи “Пайки шифо” О.Саркорӣ дар бораи ҷилди панҷуми “Ёддоштҳо” ё худ “Таърихи инқилоби Бухоро”-и устод Айнӣ, ки ҳафтод сол ба нашри он пантуркистон монеъ шуда буданд, маълумоти мухтасар дод.
Шеърхонии донишҷӯён аз ашъори устод Айнӣ ба ҳусни чорабинӣ шукуҳу шаҳомати тоза бахшид.
КАФЕДРАИ ЗАБОНҲО
БАРГУЗОРИИ ДАРСИ КУШОД ДАР КАФЕДРАИ ФАРМАКОЛОГИЯ ВА МИКРОБИОЛОГИЯ
25 - уми апрели соли 2023 дар кафедраи фармакология ва микробиологияи Донишгоҳи давлатии тиббии Хатлон дар мавзуи “Микрофлораи организми инсон” аз ҷониби омӯзгори кафедраи мазкур Сулаймонзода Ф. дарси кушод баргузор гардид.
Дар дарси кушод сардори бахши гурўҳи назорати сифати таҳсилот Қурбонов Х.Ш., мудири кафедраи фармакология ва микробиология Ҷулаев А., мудири кафедраи фанҳои ҷомеашиносӣ Гулов А.А., профессори фахрии ДДТХ Бустонов О., сардори шуъбаи таҳлил, назорат ва робита бо ҷомеа Ҳомидзода И. ва омӯзгорони кафедра иштирок карданд.
Дар дарси кушоди мазкур барои шавқовар гардидани дарс ва боз ҳам баланд бардоштани сатҳи дониши донишҷӯён аз бозии “Кроссворд” истифода карда шуд.
Дар анҷоми дарси кушод аз ҷониби сардори бахши гурўҳи назорати сифати таҳсилот Қурбонов Х.Ш. ба омӯзгор Сулаймонзода Ф. оид ба маҳорати омӯзгорӣ, масъалагузорӣ дар раванди таълим, риояи робитаҳои фаннӣ, пешниҳоди адабиёти асосӣ ва иловагӣ маслиҳатҳои муфид дода шуд.
ХАБАРНИГОРИ СОМОНА
ДАРСИ КУШОД: “БЕМОРИИ СУРХЧА. ТАШХИС ВА ТАБОБАТИ ОН”
24 - уми апрели соли 2023 дар кафедраи бемориҳои сироятӣ ва дерматовенерологияи Донишгоҳи давлатии тиббии Хатлон дар мавзуи “Бемории сурхча. Ташхис ва табобати он” аз ҷониби омӯзгори ҷавон Баҳодуров Б. дарси кушод баргузор гардид.
Дар дарси кушод сардори бахши гурӯҳи назорати сифати таҳсилот Қурбонов Х.Ш., мудири кафедраи бемориҳои сироятӣ ва дерматовенерология Исоева Б.И. ва омӯзгорони кафедра иштирок карданд.
Дарс бо усули интерактивӣ гузаронида шуда, ҳангоми пурсиш оид ба мавзуъ донишҷӯён хеле фаъол буданд.
Дар анҷоми дарси кушод мубодилаи афкор ба вуҷуд омада, донишҷӯён ба саволҳои омӯзгорон ҷавобҳои саҳеҳ ва аниқ доданд.
ХАБАРНИГОРИ СОМОНА
ҶАМЪБАСТИ ОЗМУН БАХШИДА БА ЭЪЛОН ГАШТАНИ СОЛИ 2025 "СОЛИ ҲИФЗИ ПИРЯХҲО" ВА 21 - МАРТ "РӮЗИ ҶАҲОНИИ ПИРЯХҲО"
19 - уми апрели соли 2023 дар Донишгоҳи давлатии тиббии Хатлон тибқи дастури Вазорати маориф ва илми Ҷумҳурии Тоҷикистон вобаста ба пазируфтани пешниҳоди панҷуми Ҷумҳурии Тоҷикистон соли 2025 ҳамчун Соли байналмилалии ҳифзи пиряхҳо ва санаи 21 март ҳамчун соли Рӯзи ҷаҳонии пиряхҳо аз ҷониби Созмони Милали Муттаҳид Озмуни “Расму тасвирҳои беҳтарин, мусаввараҳои пиряхҳо, чашмаҳо, шаршараҳо ва табиати зебо” баргузор гардид.
Дар озмуни мазкур 25 нафар донишҷӯ бо тасвиру мусаввараҳои марбути пиряхҳо, чашмаҳо, шаршараҳо ва табиати зебо иштирок намуданд.
Ҳайати ҳакамон аз байни 25 нафар донишҷӯи курси якуми гурӯҳи 103-и факултети стоматологӣ Ғафоров Б.А.-ро сазовори ҷои якум донистанд.
Донишҷӯи курси якуми гурӯҳи 108-и факултети тиббӣ Собиров Б.Б. ва донишҷӯи курси дуюми гурӯҳи 207-и факултети тиббӣ Ҳакимов Х.Х. сазовори ҷои дуюм гардиданд.
Ҷойи сеюмро курси якуми гурӯҳи 101-и факултети тиббӣ Сиддиқов И. А., донишҷӯи курси дуюми гурӯҳи 207-и факултети педиатрӣ Муминов П. И. ва донишҷӯи курси сеюми гурӯҳи 302-и факултети педиатрӣ Шокирова Д. Р. ишғол намуданд.
Раёсати донишгоҳ, ҳайати профессорон ва омӯзгорон ғолибонро табрику таҳният гуфта, барояшон дар ҷодаи таҳсил комёбиҳои бузург таманно менамоянд.
ХАБАРНИГОРИ СОМОНА
БАРГУЗОРИИ ДАРСИ КУШОД ДАР КАФЕДРАИ БЕҲДОШТ ВА ЭПИДЕМИОЛОГИЯ: “ГЕПАТИТИ ВИРУСИИ В ВА С”
14 - уми апрели соли равон дар кафедраи беҳдошт ва эпидемиологияи Донишгоҳи давлатии тиббии Хатлон дар мавзуи “Гепатити вирусии В ва С” дарси кушод баргузор гардид. Дарси кушоди мазкур дар гурӯҳи 505-и курси панҷуми факултети педиатрӣ аз ҷониби омӯзгор Эшматов С. гузаронида шуд.
Дар дарси кушод сардори бахши гурӯҳи назорати сифати таҳсилот Қурбонов Х.Ш., мудири кафедраи анатомияи нормалӣ, анатомияи патологӣ, тибби судӣ ва гистология н.и.т. Алиев А.А., профессори фахрӣ Должикова В.А. ва омӯзгорон аз кафедраҳои химия ва биологияи тиббӣ, фармакология ва микробиология, бемориҳои сироятӣ ва дерматовенерология иштирок карданд.
Дар раванди дарс аз воситаҳои технологӣ истифода бурда, дар доираи мавзуъ презентатсия ва видеоролики хурд нишон дода шуд.
Cардори бахши гурӯҳи назорати сифати таҳсилот Қурбонов Х.Ш. дарси кушодро ҷамъбаст намуда, барои омӯзгор дар гузаронидани дарсҳои минбаъда тавсияҳои методӣ дод.
ХАБАРНИГОРИ СОМОНА
МАҲФИЛИ НАВБАТИИ “МОДАРИ СОЛИМ - ҶОМЕАИ СОЛИМ” ДАР КАФЕДРАИ АКУШЕРӢ - ГИНЕКОЛОГӢ ВА ТИББИ ОИЛАВӢ
11 - уми апрели соли равон дар кафедраи акушерӣ ва гинекологии Донишгоҳи давлатии тиббии Хатлон таҳти роҳбарии омӯзгори кафедраи мазкур Сармисоқова Х.Ҷ. маҳфили илмии “ Модари солим - ҷомеаи солим” дар мавзуи “Нақши соҳаи акушерӣ дар тиб” баргузор гардид.
Дар маҳфил мудири кафедраи акушерӣ - гинекологӣ ва тибби оилавӣ н.и.т. Шокирова У.Ғ., мудири кафедраи ҷароҳии №2 доктор PhD Норматова М.А., мудири кафедраи анатомияи паталогӣ, тибби судӣ ва гистология н.и.т. Алиев А.А., омӯзгорони кафедраҳо ва донишҷӯёни курси 4-уми факултети тиббӣ иштирок карданд.
Аъзои маҳфил ба чор гурӯҳ ҷудо шуда, ҳар як гурӯҳ оид ба давраи ҳайзбинӣ, бордоршавӣ, ҳомиладорӣ ва равиши он маълумот доданд.
Дар идомаи маҳфил донишҷӯи курси 6-уми факултети тиббӣ Шукуров А. бо иҷрои суруд дар васфи модар хотири иштирокчиёнро болида гардонид.
Барои боз ҳам мустаҳкам кардани дониши донишҷӯён оид ба мавзу ба донишҷӯён саволҳои санҷишӣ дода шуд. Донишҷӯён ба саволҳо ҷавобҳои мушаххас доданд.
Мудири кафедраи акушерӣ - гинекологӣ ва тибби оилавӣ Шокирова У.Ғ маҳфилро ҷамъбаст намуда, ба ташкилкунандагони он изҳори сипос намуд.
ХАБАРНИГОРИ СОМОНА
ДАРАҶАИ ИЛМӢ МУБОРАК!
Донишгоҳи давлатии тиббии Хатлон моҳи апрели соли равон боз ба як дастоварди назаррас ноил гардид.
7 - уми апрели соли 2023 ассисенти кафедраи фанҳои ҷарроҳии № 1-и ДДТХ Холов А.Д. рисолаи номзадиро дар мавзуи «Баҳодиҳии муқоисавии натиҷаҳои усулҳои гуногуни геморроидэктомия ҳангоми геморрои музмин» аз рӯи ихтисоси 3.1.9. “Ҷарроҳӣ” сарбаландона ҳимоя намуд.
Раёсати Донишгоҳи давлатии тиббии Хатлон, ҳайати омӯзгорону профессорон ва донишҷӯён Холов Акмал Давлаталиевичро барои ҳимояи рисолаи номзадӣ ва шарафёб гардидан ба дараҷаи илмии номзади илмҳои тиб самимона табрик ва муборакбод намуда, барояш комёбиҳои беназир таманно доранд.
РАЁСАТИ ДДТХ
СЕМИНАРИ ОМӮЗИШӢ: “ВАЗИФАҲОИ НАВИ МАТБУОТИ ДАВРӢ ДАР ШАРОИТИ ҶАҲОНИШАВӢ”
5 - апрели соли равон дар Қасри фарҳанги шаҳри Бохтар бо мақсади татбиқи амалии сиёсати давлатӣ дар соҳаи иттилоот, баланд бардоштани малакаи роҳбарӣ ва такмили ихтисоси нашрияҳои шаҳриву вилоятӣ ва соҳавӣ семинари омӯзишӣ дар мавзуи “Вазифаҳои нави матбуоти даврӣ дар шароити ҷаҳонишавӣ” бо иштироки муовини раиси вилояти Хатлон Фирӯза Шарифӣ баргузор гардид.
Дар семинари мазкур масъалаҳои матбуоти даврии ноҳиявӣ ва вилоятӣ мавриди баррассӣ қарор гирифта, таъкид гардид, ки холӣ мондани фазои иттилоотӣ дар шароити ҷаҳонишавӣ бар зарари ҷомеа мебошад.
Аз Донишгоҳи давлатии тиббии Хатлон дар семинари мазкур муҳаррири масъули рӯзномаи “Пайки шифо” Ошурмаҳмади Саркорӣ иштирок намуд.
ХАБАРНИГОРИ СОМОНА
