8 - уми феврали соли равон дар толори китобхонаи  Донишгоҳи давлатии тиббии Хатлон бо иштироки ректори донишгоҳ, доктори илмҳои тиб, профессор Убайдулло Қурбон, аъзои раёсати донишгоҳ ва намояндагони воситаҳои ахбори омма нишасти матбуотӣ доир гардид.

Дар он 20 намояндаи расонаҳои иттилоотӣ, аз қабили шабакаҳои телевизионии «Тоҷикистон», “Сафина”, «Синамо», «Хатлон», «Кӯлоб», рӯзномаҳои «Ҷумҳурият», “Минбари халқ” «Садои Мардум»,         «Симои Данғара», «Фараж», «Народная газета», «Ваҳдатсаро»,  «Омӯзгор»,  «Пайк», «Новый Хатлон», “Тоҷикистон” «Пайёми донишҷӯ», «СССР», оҷонсии иттилоотӣ ва хабаргузории  «Озодӣ», намояндаи Хадамоти матбуотии вилояти Хатлон иштирок намуданд. 

            Сараввал ректори Донишгоҳи давлатии тибби Хатлон муҳтарам Убайдулло Қурбон оид ба фаъолият ва дастовардҳои донишгоҳ дар соли 2023 ахбор доданд.

Дар идомаи нишасти матбуотӣ хабарнигорон ва рӯзноманигорон ба профессор Убайдулло Қурбон вобаста ба воситаҳои ҷалби донишҷӯёни хориҷӣ, шароити хобгоҳ, базаи илмии донишгоҳ, рафти сохтмони донишгоҳ, таҷрибаомӯзии донишҷӯён, ҷалб намудани мутахассисони унвондор, теъдоди ҳимояи рисолаҳои илмӣ дар донишгоҳ  саволҳои худро пешниҳод намуда,  посухҳои мушаххас гирифтанд.

Ёдовар мешавем, ки барои намояндагони васоити ахбори омма варақаи иттилоотӣ вобаста ба фаъолияти Донишгоҳи давлатии тиббии Хатлон дар соли 2022 таҳия гардида, дар рӯзи нишасти матбуотӣ дастраси хабарнигорон карда шуд.

ХАБАРНИГОРИ СОМОНА

1-уми феврали соли равон ҷаласаи аввалини Шўрои  кураторони ДДТХ дар соли 2023 баргузор гардид, ки дар он мудирони кафедраҳо ва кураторони гурӯҳҳо фаъолона иштирок намуданд. Ҷаласаро раиси Шӯрои кураторон, муовини ректор оид ба тарбия ва фарҳанг, н.и.ф. Қурбонмамадов С.Х. ҳусни ифтитоҳ бахшид.

Дар ҷаласа масоили фаъолияти кураторон дар нимсолаи аввал, ахлоқу одоб, тарзи либоспӯшӣ, давомот ва иштироки донишҷўён дар чорабиниҳои гуногуни фарҳангӣ ва сиёсӣ баррасӣ гардиданд.

Муовини ректор оид ба тарбия ва фарҳанг  ҷаласаро ҷамъбаст намуда, бори дигар таъкид намуд, ки ба тарбияи ахлоқӣ, эстетикӣ, ҳуқуқуқӣ ва худшиносии донишҷўён, пешгирӣ ва роҳ надодан ба амалҳои коррупсионӣ, муқовимат бо терроризм ва экстремизм ва чораҳои пешгирӣ аз онҳо дар байни донишҷӯён ва ҳайати омӯзгорону кормандони донишгоҳ, тарбияи ватандӯстӣ, баланд бардоштани ҳисси миллӣ ва арзишҳои миллӣ байни донишҷӯёни аз ҷониби кураторон диққати ҷиддӣ дода шавад.  Кураторони гурўҳро лозим аст, ки  бо волидайни донишҷўён ҳамкории ҳаматарафа барқарор намоянд. Навбатдорӣ дар хобгоҳҳо аз ҷониби омўзгорони навбатдор пурра риоя карда шавад.      

                                                                                                                        ХАБАРНИГОРИ СОМОНА                                                                                                                                                                                                                                                                                                                                  

Раёсат, ҳайати профессорону омӯзгорон ва донишҷӯёни Донишгоҳи давлатии тиббии Хатлон ба муовини ректор оид ба таълим Аҳмадиён Шодмон Раҷаб нисбати марги  МОДАРАШ ҳамдардӣ баён намуда, ба ӯ ва наздикону пайвандонаш изҳори таслият менамоянд.

РАЁСАТИ ДДТХ

31-уми январи соли ҷорӣ ҷаласаи онлайнии вазири маориф ва илми Ҷумҳурии Тоҷикистон муҳтарам  Раҳим Саидзода, муовини вазири маориф ва илм - Абдулхолиқзода Лутфия, сардорони раёсат, шуъба ва бахшҳои дастгоҳи марказӣ, роҳбарони муассисаҳои тобеи вазорат бо ректорон ва кормандони донишгоҳу донишкадаҳои кишвар баргузор гардид.

            Дар ҷаласа ректорони 46 муассисаи таҳсилоти олии касбӣ, муовинони ректорон, деканҳо ва мудирони кафедраҳо иширок намуданд.

Раёсати Донишгоҳи давлатии тиббии Хатлон низ таҳти роҳбарии ректори ДДТХ муҳтарам Убайдулло Қурбон дар ҷаласаи мазкур ба тариқи онлайнӣ фаъолона иштирок намуданд.

            Аз ҷониби вазири маориф ва илм масъалаҳои пешгирӣ ва роҳ надодан ба амалҳои корупсионӣ байни омӯзгорон ва кормандони муассисаҳои таҳсилоти олии касбӣ, муқовимат бо тероризм ва экстримизм ва чораҳои пешгирӣ аз онҳо дар байни донишҷӯён ва ҳайати омӯзгорону кормандони муассисаҳои таҳсилоти олии касбӣ, тарбияи ватандӯстӣ, баланд бардоштани ҳисси миллӣ ва арзишҳои миллӣ байни донишҷӯёни муассисаҳои таҳсилоти олии касбӣ, таъмин намудани иҷрои нақшаи қабули довталабон дар муассисаҳои таҳсилоти олии касбӣ, таҳкими заминаи моддиву техникӣ ва кадрии муассисаҳои таҳсилоти олии касбӣ, аз ҷумла муассисаҳое, ки аз рӯйи равияҳои омӯзгорӣ ва техникӣ мутахассис омода мекунанд, омода кардани омӯзгорон дар муассисаҳои таҳсилоти олии касбӣ, аз байн бурдани норасоии омӯзгорони дорои дараҷа ва унвони илмӣ дар муассисаҳои таҳсилоти олии касбӣ, шӯроҳои диссертатсионӣ, ҷалби грантҳо ва лоиҳаҳои инноватсионӣ, табодули донишҷӯён дар муассисаҳои таҳсилоти олии касбӣ мавриди баррасӣ қарор дода шуд.

            Ҳамчунин, дар рафти ҷаласа иштироккунандагон табодули афкор намуда, вобаста ба ислоҳи камбудиҳои ҷойдошта пешниҳодоти худро иброз доштанд.

            Дар охир муҳтарам Раҳим Саидзода ба масъулин супоришҳои мушаххас дода, таъкид намуд, ки мо ба иқтидори кадрии муассисаҳои таҳсилоти олии кишвар бовар дорем ва дар якҷоягӣ метавонем барои рафъи мушкилиҳои дар соҳа ҷойдошта чораҳои зарурӣ андешем.

ХАБАРНИГОРИ СОМОНА