Скачать шаблон Joomla с JooMix.org

Чорабиниҳо (122)

Чорабиниҳо

Маълумот доир ба чорабиниҳои ДДТХ

Соли нав бар Тоҷикистон мерасад

Нури нав бар Тоҷикистон мерасад

Хондаам андар китоби зиндагӣ 

Юсуфи Мисрӣ ба Канъон мерасад

    Рӯзи 28-уми декабри соли 2016 дар толори фарҳангии ДДТХ базми солинавӣ баргузор гардид. Сараввал ректори донишгоҳ д.и.т.,профессор Убайдулло Қурбон ҳайати профессорону омӯзгорон, кормандон ва донишҷӯёни ин нахустдонишгоҳи тиббии Хатлонро ба фарорасии Соли нави милодӣ табрик намуда, таманиёти худро арз карданд. Сипас барандагони ин базми пуршукуҳи солинавӣ Нилуфари Алишер ва Амиршозода Сино ба маҳфил оғоз намуданд. Суруди Ватан дар иҷрои Валиев С донишҷӯи гурӯхи 1 –уми факултаи стоматологӣ танинандоз гардид. Табрикномаи солинавӣ ба забонҳои тоҷикӣ, русӣ, англисӣ, туркӣ, хитоӣ, арабӣ, итолявӣ, немисӣ ва лотинӣ дар иҷрои як гурӯҳи донишҷӯён садо дод. Қайд кардан зарур аст, ин базми солинавӣ аз саҳначаҳои ҳаҷвӣ, тақлиддкорӣ, сурудҳо ба забонҳои гуногун рангину хотирмон гардид.  Сурудҳои иҷронамудаи  донишҷӯён Сироҷиддинова Гулноз ва Абдуллоев Муҳибулло, Раҷабов Наимҷон  ва Ёралиева Наргис, Алиев Алиҷон, Фозилов Насим бо эҳсоси  баланди санъаткорӣ садо доданд.

Дар анҷоми базм ректори донишгоҳ Убайдуллои Қурбон бори дигар ҳозиринро ба фарорасии соли нави милодӣ табрик гуфта, ба барпокунандагон ва иштирокчиёни ин базми хотирмони солинавӣ изҳори миннатдорӣ намуданд.Аз номи иттифоқҳои касаби донишгоҳ донишҷӯён туҳфаҳои солинавӣ такдим карда шуд.

Кумитаи иттифоқи касабаи кормандон ва донишчӯёни ДДТХ

КАДБОНУИ БЕҲТАРИН

    Санаи 26 – декабри соли 2016 дар Донишгоҳи давлатии тиббии Хатлон маҳфили “Олиҳаи тиб” дар мавзуи “Кадбонуи беҳтарин” баргузор гашт, дар он гулдухтарони факултетҳои педиатрӣ ва тиббӣ аз рӯи шартҳои зерин маҳорату ҳунари худро нишон доданд:

  1. Омода намудани нон
  2. Маълумот додан оид ба тарзи омода намудани нушокӣ бо номи “Смузи” ва ҷихатҳои фоидаовари он ба инсон
  3. Омода намудани хӯриши фоидаовар
  4. Ороиши табақ бо меваҳо

Бо ҳисси ифтихор гуфтан мумкин аст, ки маҳфил хеле шавқовар гузашт ва маълум гашт, ки донишҷӯдухтарони мо натанҳо дар сабақомӯзӣ, балки дар кадбонугӣ ҳам дониши баланд доранд. Дар он тамоми донишҷӯдухтарони донишгоҳ иштирок намуда, барои худ аз ҳунари кадбонуӣ маълумоти фоидабахш гирифтанд. Дар маҳфил устодон Шарипова Ҳ.Я., Мамадавлатова М., Наботова О.З., Набиева А.А. иштирок намуда, ба ҳунари духтарон баҳои баланд доданд.

Раиси Шӯрои занон ва духтарони ДДТХ
н.и.х.Усмонова У.Х.

   Бо максади  тақвият бахшидани фаъолияти китобхона ва  иттилоотнокии  хонандагон санаи 12.12.2016 маъмурияти Китобхонаи ДДТХ маҳфил  дар  мавзӯи  «Фарҳанги иттилоотӣ» доир намуд. Маҳфил  дар  толори   хониши  Китобхона  баргузор  гардид.  Мақсади асосӣ   аз  баргузории  маҳфил  барои ҳарчи  бештар  ҷалб  намудани   хонандагон  ба Толори  хониш, китобхонаи электронӣ,    аз  наздик  шинос  намудани  онҳо бо адабиёти  дар  Китобхона мавҷудбуда, баланд бардоштани савияи  дониши  донишҷӯён  ва таъмин  намудани онҳо  бо китобу  дастурамалҳои таълимӣ  ва илмӣ иборат буд. Маҳфил дар фазои хуб оғоз гадида, дар он донишҷӯёни грӯҳҳои 9-10 педиатрӣ ширкат варзиданд. Дар раванди маҳфил мудири  Китобхона  Саидова М.Р ва сардори бахш  Ҳалимов М оид ба таърихи Китобхона ва  Қоидаҳои истифодабарӣ аз Китобхона суханронӣ намуданд. Сӯҳбат бештар дар мавзӯи  китобҳои  дарсӣ-таълимие, ки ба  наздикӣ ба Донишгоҳ  ворид гаштанд, сурат гирифт. Ҳамзамон, дар рафти маҳфил донишҷӯён аз толори нигоҳдории китобҳо, китобхонаи электронӣ  ва аз толори фонди Китобхона дидан намуданд.   

         Хотирасон менамоем, ки айни замон фонди Китобхонаи ДДТХ  11062 нусха китобро ташкил медиҳад, ки  9004 нусхаи он  китобҳои  дарсӣ-таълимӣ  мебошанд.                                   

         Маъмурияти  Китобхона  тасмим гирифтааст, ки чунин маҳфилҳоро  дар ҳамаи гурӯҳҳо бо  донишҷӯён  доир намояд.

                                                               Маъмурияти Китобхона

КРУЖОК “ОЛИХАИ ТИБ”

  30-ноября текущего года  студентки ХГМУ приняли активное участие в ежемесячном кружке “Олихаи тиб” на тему “Самая лучшая медсестра”. В этом мероприятии с большим взмахом выступили студентки педиатрического, медицинского и  стоматологического факультетов Туробова Зарина, Шарипова Дилафруз и Набиева Мунира, которые отдали свои силы, чуткость и весь свой ум для достижения хороших результатов.

         Они показали весь свой талант на пеленание ребёнка, измерение давления и показали познавательную презентацию на тему ”Первая медицинская помощь”.

         Врачи-педагоги Сайфиддинова Ф.А., Наботова О.З., Махмадавлатова М.С. дали высокую оценку участвующим студенткам.  Мероприятие прошло очень интересно и каждый из сидящихся в зале студентов взяли для себя позновательные опыты и медицинские навыки. Мы надеемся, что в последующие месяцы кружок “Олихаи тиб” продолжает свою плодотворную работу. 

Председатель Совета по делам
женщин и девушек ХГМУ
к.х.н. Усмонова У.Х.

БНМО - ВАБОИ АСР

  Санаи 01.12.2016 донишҷӯёни ДДТХ дар чорабинии бахшида ба “Рӯзи байналмилалии мубориза алайҳи Бемории норасоии масунияти одам”, ки дар Мактаби таҳсилоти миёнаи умумии №2 ноҳияи Данғара баргузор гардид ширкат варзиданд.

    Чорабинӣ бо иштироки намояндагони муассисаҳои таҳсилоти миёнаи умумии ноҳия, коллеҷи тиббӣ, намояндагони шӯъбаи ҷавонони ноҳия ва Маркази мубориза алайҳи БНМО дар ноҳияи Данғара иштирок доштанд.

   Дар оғози чорабинӣ омӯзгори кафедраи забонҳои Донишгоҳи давлатии тиббии Хатлон Мардонзода Қ.М. бо маърӯза дар мавзӯи “БНМО - ВАБОИ АСР” баромад намуда, дар бораи таърихи пайдоиш, роҳҳои сироятёбӣ ва пешгирии ин беморӣ маълумоти мушаххас пешниҳод намуд.

   Дар рафти чорабинӣ донишҷӯёни ДДТХ дар викторинаи бахшида ба рӯзи байналмилалии мубориза алайҳи  БНМО фаъолона ширкат варзиданд ва аз ҷониби ҳакамон донишҷӯёни курси якум Азизов Шодрӯз ва Ғайратова Наврӯза сазовори ҷойҳои 1 ва 2-юм дониста шуда, бо ифтихорнома ва тӯҳфаҳои хотиравӣ қадрдонӣ карда шуданд.

Шӯъбаи кор бо ҷавонон

ҶАҲОНИ АНДЕША

Рӯзи 1-уми декабри  соли 2016 дар толори китобхонаи  Донишгоҳи давлатии  тиббии Хатлон аввалин семинарии  маҳфили  «Ҷаҳони андеша» баргузор гардид. Мутасаддиёни чорабинӣ: мудири кафедраи ҷомеашиносӣ  Гулов А.А.,раиси итифоқи касабаи   кормандон ва донишҷӯён Мамадалиева С.М.,  раиси Шурои занон ва духтарон  Усмонова У.Х., ва     ассисенти кафедраи ҷомеашиносӣ Саидова М.Р. иштирок доштанд.

Ба ҷамъомад  муовини ректори Донишгоҳи давлатии тиббии Хатлон оид ба таълим, дотсент Ғафуров Б.А. ҳусни оғоз бахшида  дар бораи зарурати ташкил кардан ва узви  фаъоли чунин маҳфилҳо будан, сухан намуданд.Устод Ғафуров Б.А., суханони Пешвои миллат, Асосгузори сулҳу ваҳдат, Президенти мамлакат, мӯҳтарам Эмомалӣ Раҳмонро  хотиррасон намуда, донишҷӯёнро  такид намуд, ки  ҳушёрии сиёсиро аз даст надиҳанд, яъне фирефтаи ҳаргуна таблиғотҳои  сиёсии бардурӯғ нагарданд.

Мудири кафедраи ҷомеашиносӣ номзади  илмҳои фалсафа Гулов.А.А. ба суханони  муовини ректор оид ба таълим Б.А. Ғафуровро тақвият бахшида,  мақсади ташкил намудани ин маҳфилро баён намуд ва қайд намуд, ки «андешидан ин будан аст», яъне андешидан ин як сифати қалбӣ ва зотии инсон аст, ки ӯро дар нисбати дигар махлуқот шарифтар мегардонад. Дар раванди сӯҳбат устод формулаи асосии  таълимоти Зардушт-андешаи нек, гуфтори нек ва рафтори некро таҳлил намуда, бо суханони файласуфи фаронсавӣ  Рене Декарт: «Ман меандешам, пас ман ҳастам» ва як шеър аз Мавлонои Балх  баромади худро ба итмом расонид.

            Пас аз ифтитоҳи маҳфил, сухан ба дотсенти кафедраи ҷомеашиносӣ, номзади илмҳои  сиёсатшиносӣ Ахмедов Шодмон Раҷабович дода шуд, ки дар мавзӯи  «Аз таърих кай сабақ мегирем» баромад намуданд.

Устод Ахмедов Ш.Р., аз ҳодисаҳои  таърихии дирӯз ва имрӯзи кишварамон ёдоварӣ намуда, ҷиҳати таҳким  бахшидани  ҳисси худшиносии  миллӣ, ватандӯстӣ, ҳифзи  арзишҳои миллӣ ба иштирокчиёни маҳфил маълумот дод.

Донишҷӯёни гурӯҳҳои 9-10 факултети  педиатрӣ-Сафаров Ҳ.  ва Муҳаммадии Саймустафо баромад намуда, барои шаффофтар намудани  мақсадҳои худ бо слайдҳо  итилоот омода намуда ба саҳми ҳозирин пешкаш намуданд. Як гурӯҳи донишҷӯён (Алишери Фарҳод, Алиев Алиҷон  гурӯҳи 2-юм  ва Султонов Хисрав гурӯҳи якуми стоматологӣ; Шӯҳратзода Шаҳноза, Мусоева Фарангис, гурӯҳи 5-6 –уми педиатрӣ) як саҳначае оид ба  фирефташавӣ ва воридшавии  ҷавонон ба гурӯҳҳои  номатлуб ва сӯзу нолиши модари бечора намоиш доданд. Баъд аз ба итмом расидани баромадҳо донишҷӯён ва устодон ба машварат ва муҳокимаи   масъалаҳои семинар гузашта, саволҳо ва ақидаҳои  ҷолибро пешниҳод карданд, ки аз ҷониби устодон ба ҳамаи онҳо ҷавоби  мушахас дода шуд.

Дар охир  муовини ректори ДДТХ оид ба таълим, дотсент Ғафуров Б.А. ҷамъомадро ҳусни хотима бахшида, барои иштироки  фаъоли донишҷӯён ва ҷаласаи аввалии  маҳфили мазкур бурдборӣ таманно намуд.

    Рӯзи 23-уми ноябри соли 2016 дар толори фарҳангии Донишгоҳи давлатии тиббии Хатлон бахшида ба Рӯзи парчами миллӣ  маҳфили илмию адабӣ баргузор гардид. Ба ҷамъомад  муовини ректори Донишгоҳи давлатии тиббии Хатлон оид ба таълим дотсент Ғафуров Б.  ҳусни оғоз бахшида, дар бораи  арзишу  моҳияти  Парчами миллии ҶТ  барои мардуми тоҷик   сухан намуданд.

  Омӯзгори   кафедраи ҷомеашиносӣ   Саидова М.  дар мавзӯи «Парчами миллӣ-ливои пуршарафи озодиву соҳибистиқлолии Тоҷикистон»    баромад намуда, қайд намуданд, ки парчам ҳанӯз аз замонҳои хеле қадим рамзи давлатдорӣ, шукуҳу ифтихор ва нангу номус будааст. Аҷдодони мо ҳанӯз аз замони Каёниён соҳиби дирафше будааст, ки мавҷудияти давлатии онҳоро ифода мекард. Хушбахтона, мо тоҷикон ба шарофати истиқлолияти давлатӣ соҳиби парчами миллӣ- таҷассумгари гузаштаи пурифтихори ниёгонамон гардидем. 

   Донишҷӯи гурӯҳи 9-уми факултети тиббӣ Комилова Б.-ро дар мавзӯи «Парчами давлатии Ҷумҳурии Тоҷикистон-рамзи сарбаландӣ ва худшиносии миллӣ» баромад намуда, ибрози назар намуданд, ки  7 сол боз боифтихору   шукуҳу шаҳомати хосса  Рӯзи Парчами миллии худро ҳамчун нишони эҳтиром ба яке аз муқаддасоти миллии кишварамон  ҷашн мегирем. Имрӯз Парчами давлатии Тоҷикистон дар гӯшаҳои гуногуни сайёра чи дар чорабиниҳои сиёсӣ, чи дар анҷуманҳои фарҳангӣ, чи дар мусобиқаҳои бонуфузи варзишӣ баланд мегардад.

   Донишҷӯён Ғайратова Н. (гурӯхи 8-и педиатрӣ), Маҳмудова Мавзуна (гурӯҳи 10-и тиббӣ), Махсудова Зулола (гурӯҳи 10-и тиббӣ), Исмоилзода Махфират  (гурӯхи 8-и педиатрӣ),  Валиева Шаҳноза   (гурӯҳи 8-и педиатрӣ), Ҳамроев Муҳаммадзамон (гурӯҳи 10-и тиббӣ), Сафарова Меҳрбону (гурӯҳи 9-и тиббӣ),  Баҳовуддинова Шоиста (гурӯҳи 9-и тиббӣ), Сайдвалиева Насрина  (гурӯҳи 9-и тиббӣ), Нилуфари Алишер (гурӯҳи 9-и тиббӣ), Адибаи Рустамдухт  (гурӯҳи 9-и тиббӣ), Ғайратова Наврӯза  (гурӯҳи 7-и педиатрӣ), Қодирова Нигора (гурӯҳи 7-и тиббӣ), дар васфи Парчам ба забонҳои тоҷикӣ, русӣ ва англисӣ  шеърҳо қироат намуданд. Донишҷӯи гурӯҳи 7-и тиббӣ Қодирова Нигора сурудеро     васфи Ватан сароиданд.

    Донишҷӯён дар викторина бахшида ба Рӯзи Парчам бо шавқу сурур   фаъолона  иштирок намуда, ба саволҳои пешниҳодшуда ҷавобҳои мушаххас доданд.

   Барандагии маҳфилро донишҷӯи гурӯҳи 10-и тиббӣ Ҳабибова Зуҳал  ва донишҷӯи гурӯҳи 1-уми факултети тиббӣ Насимҷон Фозилов ба уҳда доштанд.

   Дар охир муовини ректори ДДТХ  оид ба таълим дотсент Ғафуров Б. ҷамъомадро ҳусни хотима бахшида, ба Комилова Бибисо,  Адибаи Рустамдухт, Ғайратова Наврӯза, Раҷабов Наимҷон, Насимҷон Фозилов  барои иштироки фаъолонаашон дар чорабинии Рӯзи Парчам  ифтихорномаҳои роҳбарияти донишгоҳро супорид.

Кафедраи ҷомеашиносӣ

      Санаи 16.11.2016 дар ДДТХ “Рӯзи Президент” бо як шаҳомати хосса таҷлил гардид. Аз ҷониби маъмурияти Китобхонаи Донишгоҳ барои боз ҳам хотирмон ҷашн гирифтани ин рӯз, осор ва асарҳое, ки роҷеъ ба дастовардҳои Асосгузори сулҳу ваҳдати миллӣ, Пешвои миллат, Ҷаноби Олӣ Президенти Ҷумҳурии Тоҷикистон муҳтарам Эмомалӣ Раҳмон мебошанд,  ба марази тамошо гузошта шуд. 

      Дар давоми рӯз омӯзгорон ва донишҷӯён аз ҷойи намоишгоҳ дидан намуданд. Махсусан донишҷӯён, ба осор ва зиндагиномаи Пешвои миллат таваҷҷӯҳ зоҳир намуда аз кору афкори ин Шахси бузург пурратар бархӯрдор гардиданд. Ин аз он шаҳодат медиҳад, ки дар  қалби донишҷӯёни мо ҳисси ватандӯстию ватанпарварӣ ҷо гирифта, барои пешрафти ҷамъият ва ободии  диёри  зебоманзарамон саҳмгузор хоҳанд буд.

                                                                               Маъмурияти Китобхона

Page 10 of 11

Таърихи ДДТХ

 

Тамос бо мо

МТД "Донишгоҳи давлатии тиббии Хатлон"

  • Суроға: н.Данғара, кӯчаи Исмат Шариф - 3
  • Телефон: +992 3312 21034
  • Факс: +992 3312 21035
  • Email: info@khatmedun.tj
  • Шуъбаи таҳлил, назорат ва робита бо ҷомеа: +992 3312 21029

Маводҳои муфид