4-уми октябри соли 2022 дар кафедраи забонҳо дар якҷоягӣ бо муовинати илм ва нашрия мизи мудаввар баргузор гардид.
Дар мизи мудаввар ҳайати кормандони кафедраи забонҳо, муовини ректор оид ба тарбия фарҳанг Қурбонмамадов С.Х., сардори гурӯҳи назорати сифати таълим Қурбонов Х.Ш., намояндаи муовинати илм ва фарҳанг Юлдошев А. ва донишҷӯёни курси якуму дуюм иштирок намуданд.
Мавзуи асосии ҳамоиши мазкур асолат ва мақоми забони тоҷикӣ, масъалаи тозагии забон, эҳтиром ва бузургдошти он буда, омӯзгорон ва донишҷӯён оид ба шаҳомати забони тоҷикӣ суханронӣ намуданд.
Мудири кафедраи забонҳо Одинаев С.П. оид ба мақом ва таърихи рушду такомули забони тоҷикӣ, профессори фахрии ДДТХ Должикова В.А. оид ба ҷойгоҳи забони тоҷикӣ дар байни дигар забонҳо суханронӣ карданд. Инчунин, донишҷӯён оид ба муҳимияти тоза ва беолоиш нигоҳ доштани забони тоҷикӣ ибрози ақида намуданд.
КАФЕДРАИ ЗАБОНҲО