7 - уми октябри соли равон дар кафедраи фанҳои муолиҷавии №1-и Донишгоҳи давлатии тиббии Хатлон аз фанни “Бемориҳои дарунӣ” дар мавзуи “Камхунӣ ва намудҳои он. Ташхис, пешгирӣ ва табобати камхунӣ.” дарси кушод баргузор гардид.
Дарси кушод аз ҷониби омӯзгори кафедраи мазкур Омонов Э.О. дар гурӯҳи 505-и факултети тиббӣ гузаронида шуд.
Дар дарси кушод сардори бахши назорати сифати таҳсилот Қурбонов Х.Ш., мудири кафедраи фанҳои муолиҷавии №1 Эргашев Ҳ.Ю. муовини декнани факултети стоматологӣ Халифаева Ф.И. ва омӯзгорони кафедраҳо иштирок карданд.
Дар раванди дарс омӯзгор аз усулҳои фаъоли таълим моҳирона истифода бурда, оид ба мавзуъ барои донишҷӯён саволҳои баҳсталабро пешниҳод менамуд.
Дар анҷом сардори бахши назорати сифати таҳсилот Қурбонов Х.Ш. дарси мазкурро таҳлил карда, баҳои мусбат дод. Қайд гардид, ки омӯзгор Омонов Э.О. таҷрибаи бойи корӣ дошта, барои боз ҳам баланд бардоштани сатҳи дониш ва тарбияи донишҷӯён ҳамеша кӯшиши зиёд ба харҷ медиҳад.
ХАБАРНИГОРИ СОМОНА