Скачать шаблон Joomla с JooMix.org
ADMIN

ADMIN

Email: This email address is being protected from spambots. You need JavaScript enabled to view it.

Аз санаи 1-ум то 22-юми майи соли 2024 дар Донишгоҳи давлатии тиббии Хатлон Аттестатсияи хатми давлатӣ барои хатмкунандагони факултети тиббӣ, педиатрӣ ва стоматологӣ ташкил ва баргузор карда шуд.

 

Қайд бояд дошт, ки бо фармоиши Ректори донишгоҳ Комиссияи аттестатсионии хатм дар асоси фармоиши Вазири маориф ва илми ҶТ аз 07.04 соли 2024, таҳти № 248  ба тасвиб расид, ки барои факултети тиббӣ д.и.т., дотсент, мудири кафедраи амалияи ҷарроҳӣ ва анатомияи топографии ДДТТ ба номи Абуалӣ ибни Сино - Қурбонов Ҷурабек Муродович, барои факултети педиатрӣ  д.и.т., дотсент, мудири шуъбаи эҳёгарӣ, беҳтаргардонӣ, беҳисгароӣ ва табобати вусъатноки Маркази миллии тиббии “Шифобахш”-и  Вазорати тандурустӣ ва ҳифзи иҷтимоии аҳолии Ҷумҳурии Тоҷикистон - Рахматова Рухшона Акрамовна ва барои факултети стоматологӣ н.и.т., табиб-стоматологи  Пажуҳишгоҳи илмию клиникии «Стоматология» ва ҷарроҳии ҷоғу рӯйи Вазорати тандурустӣ ва ҳифзи иҷтимоии  аҳолии Ҷумҳурии Тоҷикистон - Юсупов Зариф Якубҷонович ба ҳайси Раисони комиссия таъин гардиданд.

Тазаккур бояд дод, ки мутобиқи маълумотҳои оморӣ 3 факултет: тиббӣ, педиатрӣ ва стоматологии ДДТХ-ро ҳамагӣ 384 нафар донишҷӯ хатм намуд, ки аз ин шумора ба факултети тиббӣ 161 (42%) нафар, ба факултети педиатрӣ 143 (37,2) нафар ва ба факултети стоматологӣ 80 (20,8%) нафар донишҷӯ рост меояд.

Аттестатсияи хатми давлатӣ дар се марҳила баргузор ва натиҷагирӣ карда шуд. Барои давраи якуми аттестатсияи давлатии хатмкунандагон 800 саволи шифоҳӣ (шифоҳӣ-ситуатсионӣ) пешниҳод  шуда буд, ки  аз он 3  савол (2 назариявӣ ва 1 ҳали масъалаи ситуатсионӣ) барои ҳар як билети донишҷӯ муайян карда шуда буд.

 

Барои давраи дуюми аттестатсияи давлатии хатмкунандагон зиёда аз 800 саволи малакаҳои амалии касбӣ аз рӯи ихтисосҳо  пешниҳод шуда буд.

Барои давраи сеюми аттестатсияи давлатии хатмкунандагон бошад 3500  номгӯйи саволҳои тестӣ аз 10 фани таълимӣ: анатомияи одам, гистология, физиологияи нормалӣ, биохимия, фалсафа, ҷарроҳии умумӣ, беҳдошти иҷтимоӣ, бемориҳои сироятӣ, бемориҳои дарунӣ ва неврология пешниҳод шуд.

 

Аттестатсияи хатми давлатӣ бо омодагиҳои ҳамаҷонибаи Раёсати донишгоҳ доир гардида, рафти баргузории он пайваста зери назорати ҷиддӣ қарор гирифта шуд. Натиҷаи аттестатсияи хатм нишон дод, ки ҳамаи хамткунандагон сарбаландона аз аттестатсияи хатм гузаштанд, ҳамзамон, 20 нафар хатмкунанда тавонистанд соҳиби дипломи аъло гарданд. Аз инҳо 7 (4,3%) нафар аз факултети тиббӣ, 11 (7,6%) нафар аз факултети педиатрӣ ва 2 (2,5) нафар аз факултети стаматологӣ мебошанд.

Қайд кардан зарур аст, ки дар маҷмуъ ҷараёни ташкил ва баргузории қабули имтиҳонҳои хатм дар соли 2024 хуб ба роҳ монда шуда, раванди ҷамъбасти онҳо низ тибқи меъёрҳои ҷойдошта амалӣ гардонда шуд.

Муовинати таълим.

Page 10 of 1236

Таърихи ДДТХ

Our partners
 

Тамос бо мо

МТД "Донишгоҳи давлатии тиббии Хатлон"

  • Суроға: н.Данғара, кӯчаи Исмат Шариф - 3
  • Телефон: +992 3312 21034
  • Факс: +992 3312 21035
  • Email: info@khatmedun.tj
  • Шуъбаи таҳлил, назорат ва робита бо ҷомеа: +992 3312 21029

Маводҳои муфид