Скачать шаблон Joomla с JooMix.org

Санаи 1-уми июни соли 2024 дар оғози ҷаласаи Шурои олимон ғолибони озмунҳои донишгоҳии бахшида ба идҳои баҳорӣ, аз ҷумла бахшида ба “Рӯзи ҷавонони Тоҷикистон”, аз ҷониби Ректори донишгоҳ қадрдонӣ карда шуданд.

Дар номинатсияи “Беҳтарин маҳфили илмӣ” маҳфили илмии донишҷӯёни “Дурахшони”-и Маркази омӯзиши симулятсионӣ таҳти роҳбарии донишҷӯи курси 6-уми факултети тиббӣ Ошурбекова Ф.Қ. аз руйи равияи тиббӣ ва “Чароғи маърифат”-и кафедраи ҷомеашиносӣ таҳти роҳбари донишҷӯи курси 3-юми  факултети тиббӣ Қурбонов А.Р. аз рӯйи равияи ғайритиббӣ сазовори ҷойи аввал гардида, бо мукофоти пулӣ ва Ифтихорномаи Ректори донишгоҳ қадрдонӣ карда шуданд.

Дар номинатсияи “Беҳтарин донандаи малакаҳои амалӣ” маҳфили илмии донишҷӯёни “Ҷарроҳони ҷавон”-и кафедраи Бемориҳои ҷарроҳӣ бо роҳбарии Эргашев И.З. ҷойи аввал ва маҳфили илмии донишҷӯёни “Дурахшони”-и Маркази омӯзиши симулятсионӣ таҳти роҳбарии Абдураҳимзода Ш.Р. ҷойи дуюмро соҳиб гардида, бо мукофоти пулӣ ва Ифтихорномаи Ректори донишгоҳ сарфароз гардонида шуданд.

Дар номинатсияи “Ҳунарманди сол” донишҷӯи курси 1-уми факултети тиббӣ Алиева Меҳринигор Шоҳмуродовна ғолиби озмун дониста шуда, бо мукофоти пулӣ ва Ифтихорномаи Ректори донишгоҳ сарфароз гардонида шуд.

Донишҷӯёни фаъол: донишҷӯи курси 2-юми факултети стоматологӣ Ёрова Э.Ҳ., донишҷӯи курси 3-юми факултети тиббӣ Маҳмадҷонов А.А., донишҷӯи курси 4-уми факултети тиббӣ Худойбердиев Ҳ.Ж., донишҷӯи курси 5-уми факултети педиатрӣ Мирзоев Ш.Ҷ., донишҷӯи курси 5-уми факултети педиатрӣ Пиров В.Ш., ки дар даври донишгоҳӣ, ноҳиявӣ ва вилоятии озмуни ҷумҳуриявии “Илм-фурӯғи маърифат” дар соли 2023 ҷойҳои намоёнро соҳиб гардида, ба даври ҷумҳуриявӣ роҳ ёфтанд, бо мукофоти пулӣ ва Ифтихорномаи Ректори донишгоҳ сарфароз гардонида шуданд.

Ҳамзамон, Садриддинзода Амирбек – донишҷӯи курси 4-уми факултети педиатрӣ ва Умарова Шукрона Абдусаломовна – донишҷӯи курси 3-юми факултети тиббӣ ғолиби озмуни “Стипендияи ректор дар соли 2024” дониста шуда, бо “Диплом” сарфароз гардиданд.

Инчунин, дар доираи “Рўзи ҷавонони Тоҷикистон” 21 нафар омӯзгорони ҷавон ва 20 нафар донишҷӯёни фаъол, ки дар соли таҳсили 2023-2024 фаъолияти назаррас нишон доданд ва дар корҳои илмию маърифатии донишгоҳ саҳми арзанда гузоштаанд, аз ҷониби муовинони ректор бо Ифтихорномаи Ректори ДДТХ ва туҳфаи хотиравӣ сарфароз гардонида шуданд.

Тадбирандешиҳои Раёсати донишгоҳ дар пайравии сиёсати ҷавонпарваронаи Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон буда, ба ин васила ҳавасмандии ҷавононро ба илмомӯзӣ ва аз худ намудани нозукиҳои илми тиб зиёд намуда, ҳамчунин, дар худшиносиву худогоҳии миллии ҷавонон ва саҳм гузоштан дар гулгулшукуфии ватани маҳбубамон – Тоҷикистони азиз такони тоза хоҳад бахшид.

Хабарнигори сомона.

Рӯзи 6-уми июни соли 2024 дар ДДТХ семинар-машварат дар мавзуи «Асосҳои моликияти зеҳнӣ – ихтироъ ва ҳифзи ҳуқуқии он» аз ҷониби намояндагони Маркази миллии патенту иттилооти ҶТ: Холиқов Тоҳир Халилович – директори китобхонаи давлатии патенту техникии Маркази миллии патенту иттилооти ҶТ, Назаров Баҳодур Исмоилович – сармутахассис, коршиноси раёсати иттилоот ва намунаҳои саноатии Маркази миллии патенту иттилооти ҶТ, Шарипов Сунатулло Қосимович – сармутахассис, коршиноси раёсати санҷиши давлатии гузаронида шуд. Дар семинар машварат ихтироот ва намунаҳои саноатии Маркази миллии патенту иттилооти ҶТ бо ҳайати профессорону омӯзгорон, кормандон ва мудирони кафедраҳо баргузор гардид.

Семинар-машваратро муовини ректор оид ба илм ва нашрия н.и.т., дотсент Боронов Ҳ.А. оғоз намуд ва мақсади аз баргузории семинари мазкурро гуфта дод.

Сипас директори китобхонаи давлатии патенту техникии Маркази миллии патенту иттилооти ҶТ Холиқов Т.Х. оид ба масъалаи ҳамоҳангсозии фаъолияти ихтироъкорон, ҳуқуқи муаллифӣ, ҳуқуқ ва асосҳои моликияти зеҳнӣ ибрози андеша намуданд. Ҳамзамон, қайд карда шуд, ки дар назди Маркази миллии патенту иттилооти ҶТ кафедраи “Ҳифзи объектҳои моликияти зеҳнӣ» амал мекунад, ки масъалаҳои гуногуни самти мазкурро ба танзим медарорад.

Сармутахассис, коршиноси раёсати санҷиши давлатии ихтироот ва намунаҳои саноатии  Маркази миллии патенту иттилооти ҶТ Шарипов С.Қ. оид ба талаботҳо ва шартҳои ихтироъ, объекти ихтироъ, меъёрҳои онҳо маълумот дод.

Сармутахассис,  коршиноси раёсати иттилоот ва намунаҳои саноатии Маркази миллии патенту иттилооти ҶТ Назаров Б.И. дар бораи тарзи таҳия намудани ҳуҷҷатҳои расмӣ барои гирифтани патент маълумоти муфассале пешниoҳод намуд.

Коршиносони Маркази миллии патенту иттилооти ҶТ ба саволҳои ҳозирин оид ба паҳлуҳои гуногуни соҳаи мазкур посухҳои мушаххас доданд

Семинар-машваратро муовини ректор оид ба илм ва нашрия н.и.т., дотсент Боронов Ҳ.А.  ҷамъбаст намуда, аз номи Раёсати донишгоҳ ба кормандони Маркази миллии патенту иттилооти ҶТ барои баргузории семинар арзи миннатдорӣ намуд.

Муовинати илм ва нашрия.

Санаи 5-уми июни соли 2024 дар толори фарҳангии донишгоҳ ҷаласаи тантанавӣ ва барномаи фарҳангӣ бахшида ба “Рӯзи хатм” баргузор гардид, ки дар он Раиси ноҳияи Данғара муҳтарам Саломзода Сиҷоуддин ва сардори Раёсати таҳсилоти тиббию фармасевтӣ, сиёсати кадрҳо ва илми Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Юсуфӣ Саломуддин Ҷаббор ширкат варзиданд.

  

Ҷаласаи тантанавӣ бо сухани ифтитоҳӣ ва табрикотии Ректори Донишгоҳи давлатии тиббии Хатлон, д.и.т., профессор Убайдулло Қурбон оғоз ёфт. Пас аз нутқи табрикотии Ректори донишгоҳ, ҳамзамон, Раиси ноҳияи Данғара муҳтарам Саломзода Сиҷоуддин ва сардори Раёсати таҳсилоти тиббию фармасевтӣ, сиёсати кадрҳо ва илми Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Юсуфӣ Саломуддин Ҷаббор сухан намуда, аз таваҷҷуҳи хосаи Пешвои муаззами миллат ба донишгоҳ ва сохта ба истифода дода шудани бинои боҳашамат, муваффақиятҳои донишҷӯён ва дастовардҳои донишгоҳ ҳарф зада, ба талаботи замон ҷавобгӯ будани сатҳи донишро таъкид намуданд.

Сипас, аз ҷониби Ректори донишгоҳ ва Раиси ноҳия дар вазъияти тантанавӣ ба 18 нафар хамткунандагони факултети тиббӣ, педитарӣ ва стоматологӣ “Дипломи аъло” супорида шуд.

Пас аз тақдим гардидани “Дипломи аъло”, аз ҷониби хамткунандагон ба курсҳои аввал муқаддасоти донишгоҳ чун рамзӣ дониш супорида шуда, ҳамзамон, хатмкунандагон “Савганди табибон”-ро ёд намуданд.

 

Барномаи адабӣ-мусиқии дастаи ҳунарии донишгоҳ идомабахши чорабинии “Рӯзи хамт” буд, ки ифтихору фараҳмандӣ ва суруру шодмонии аҳли нишаст ва хамткунандагонро даҳчанд зиёд намуд.

Хабарнигори сомона.

Панҷшанбе, 06 Июн 2024 00:00

ҶАЛАСАИ НАВБАТИИ ШУРОИ ОЛИМОН

Санаи 1-уми июни соли 2024 ҷаласаи навбатии Шурои олимон баргузор гардид. Ҷаласа бо сухани муқаддимавии Раиси Шурои олимон д.и.т., профессор Убайдулло Қурбон оғоз ёфт.

Қабл аз баррасии масъалаҳои дар рӯзнома омада, Раиси Шуро омӯзгорон ва додонишҷӯёнеро, ки дар доираи ҷашнгирии идҳои баҳорӣ, аз ҷумла “Рӯзи ҷавонони Тоҷикистон” дар озмуну маҳфил ва мусобиқаҳои дохиливу берунӣ ғолибиятро ба даст оварданд, бо Ифтихорнома ва мукофоти пулӣ ҳадрдонӣ намуданд.

 

Сипас, тибқи рӯзнома масъалаҳо мавриди баррасӣ қарор дода шуданд.

Ваколатдори шуъбаи таълим, н.и.х., Назаров З.С. вобаста ба омодагии шуъбаи таълим, деканати факултетҳо ва кафедраҳои донишгоҳ ба сессияи имтиҳонии тобистона маълумот пешниҳод намуд. Қайд карда шуд, барои баргузор намудани сессияи имтиҳонии тобистонаи соли таҳсили 2023-2024 тамоми чораҳо дида шудаанд ва кафедраҳои донишгоҳ, деканати  факултетҳо ва шуъбаи таълим барои ҳабули имтиҳонҳо омода мебошанд.

Дар масъалаи дуюм сарвари шуъбаи кадрҳо доир ба фаъолияти кории худ маълумот пешниҳод намуда, дар маҷмуъ, фаъолияти тамоми кормандони донишгоҳро таҳлилу баррасӣ намуд.

Дар масъалаи сеюм, муовини ректор оид ба таълим ва корҳои методӣ, дотсент Аҳмадиён Ш.Р. “Маълумот дар бораи ҷамъбасти аттестатсияи хатми давлатӣ дар соли таҳсили 2023-2024”-ро ба самъи аъзо расонид.

 

Дар масъалаҳои ҷорӣ як қатор лоиҳаи Қарорҳо и дахлдор қабул гардида, ба масъулин супоришхои мушаххас дода шуд.

Дар масъалаҳои ҷорӣ бошад як қатор лоиҳаи қарорҳо пешниҳод ва аз ҷониби аъзои шурои олимон тасдиқ карда шуданд.

Инчунин, Раиси Шурои олимон вобаста ба “Мулоқоти Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо аҳли илм ва маориф” бо аъзои Шурои олимон суҳбат намуда, таъкид намуд, ки ҳар як роҳбари сохтор муваззаф аст, ки масъалаи мазкурро дар кафедра мавриди омӯзиш ва иҷро қарор диҳад.

Хабарнигори сомона.

Чоршанбе, 05 Июн 2024 00:00

ОБЪЯВЛЕНИЕ

Чоршанбе, 05 Июн 2024 00:00

ОБУЧАЮЩАЯ ПОЕЗДКА В ГРАЦ

С 15 по 19 апреля 2024 года в Университете прикладных наук Граца, Австрии, в рамках проекта Erasmus+ CBHE "BERNICA: наращивание образовательного и исследовательского потенциала в области питания и диетологии в Центральной Азии" состоялась обучающая поездка. В данной обучающей поездке приняли участие представители 7 университетов-партнёров из Австрии, Казахстана, Кыргызстана, Таджикистана и Узбекистана. Из Хатлонского государственного медицинского университета приняли участие проректор по науке и издательскому делу, к.м.н., доцент Боронов Х.А., проректор по лечебной работе, к.м.н. Шокирова У. Г. и заведующий отделом анализа, контроля и связей с общественностью Хомидзода И. Дж.

 

Основной целью организации краткосрочного обучающего курса была реализация программы, модуля и других учебных материалов в области здорового питания и диеты.

Page 1 of 129

Таърихи ДДТХ

Our partners
 

Тамос бо мо

МТД "Донишгоҳи давлатии тиббии Хатлон"

  • Суроға: н.Данғара, кӯчаи Исмат Шариф - 3
  • Телефон: +992 3312 21034
  • Факс: +992 3312 21035
  • Email: info@khatmedun.tj
  • Шуъбаи таҳлил, назорат ва робита бо ҷомеа: +992 3312 21029

Маводҳои муфид