Таърихи донишгоҳ

Донишгоҳи давлатии тиббии Хатлон дуюмин муассисаи олии касбии тиббӣ дар Ҷумҳурии Тоҷикистон аст. Донишгоҳ бо ташаббуси бевоситаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъсис ёфта, аз 1 сентябри соли 2016 фаъолияти таълимию тарбиявӣ, илмӣ ва табобатии худро оғоз намудааст.

Таъсис

Зарурати таъсиси донишгоҳи тиббӣ дар вилояти Хатлон дар Паёми Президенти Ҷумҳурии Тоҷикистон ба Маҷлиси Олӣ (январи соли 2016) қайд гардид: дар вилоят ба ҳар 10 ҳазор аҳолӣ ҳамагӣ 11,3 корманди тиббӣ рост меомад.

Донишгоҳи давлатии тиббии Хатлон бо қарори Ҳукумати Ҷумҳурии Тоҷикистон аз 25 феврали соли 2016, №79 таъсис дода шуд.

Аввалин раёсат

Фаъолияти донишгоҳ расман аз 4 марти соли 2016 оғоз гардид. Раёсати муваққатӣ аз 11 нафар иборат буд ва дар се ҳуҷраи иҷоравӣ (86 м²) дар ошёнаи дуюми бинои «Маркази таҳлилии лоиҳаҳои обёрии заминҳои водии Данғара» кор мекард.

**1. Убайдулло Қурбон**д.и.т., профессор, узви вобастаи АМИТ – ректор

**2. Ғафуров Бобомурод Абдуқаҳҳорович**д.и.х., дотсент – муовини ректор оид ба таълим

**3. Аҳадов Шамсулло Файзуллоевич**муовини ректор оид ба корҳои хоҷагӣ ва маъмурӣ

**4. Аҳмадов Шодмон Раҷабович**н.и.с., дотсент – сарвари шуъбаи таҳлил, назорат ва робита бо ҷомеа

**5. Кузибаева Наимахон Конбобоевна**н.и.т., дотсент – сарвари шуъбаи таълим

**6. Саидов Исломудин Зайнадинович**н.и.т., дотсент – декани факултетҳои тиббӣ

ХА

7. Хидирова Алфира Мадаминовнасардори шуъбаи кадрҳо

**8. Мардонзода Қурбоналии Мирзо**сарвари маркази технологияи иттилоотӣ

**9. Саидова Моҳшариф Раҳмоналиевна**сарвари китобхона

**11. Камолов Амиралӣ Сангалиевич**муовини декан

Аввалин раёсати муваққатии ДДТХ, 4 марти соли 2016.

Санаҳои муҳим

Январи 2016 – дар Паёми Президенти Ҷумҳурии Тоҷикистон зарурати таъсиси донишгоҳи тиббӣ дар вилояти Хатлон қайд гардид
25.02.2016 – қарори Ҳукумати Ҷумҳурии Тоҷикистон №79 дар бораи таъсиси донишгоҳ
04.03.2016 – фаъолияти расмии донишгоҳ оғоз ёфт; раёсати муваққатӣ аз 11 нафар таъсис дода шуд
31.08.2016 – Пешвои миллат ба оғози корҳои сохтмонии маҷмааи донишгоҳ санги асос гузоштанд
01.09.2016 – аввалин соли таҳсил: аз 1633 довталаб 353 нафар донишҷӯ шуданд
04.2017 – аввалин шартномаи байналмилалӣ бо Донишгоҳи тиббии Шинҷони Ҷумҳурии Мардумии Чин
22.04.2017 – корҳои сохтмонии бинои асосӣ, бинои таълимии №1 ва хобгоҳ оғоз ёфтанд
2018 – ду бинои нави таълимии донишгоҳ мавриди баҳрабардорӣ қарор дода шуд; дастаи ҳунарии «Дурахшон» таъсис ёфт
02.05.2019 – Коллеҷи тиббии ноҳияи Данғара ба сохтори ДДТХ гузаронида шуд (қарори Ҳукумат №229)
2019 – маҷаллаи илмӣ-амалии «Симурғ» ва рӯзномаи «Пайки Шифо» таъсис ёфтанд
2020 – Маркази омӯзиши симулятсионӣ ва Маркази таҳсилоти баъдидипломӣ таъсис ёфтанд; аввалин конфронси илмӣ-амалӣ; донишгоҳ аз аттестатсияи давлатӣ гузашт
02.2021 – донишгоҳ аз аккредитатсияи давлатӣ гузашт
2021 – аввалин хатми донишҷӯён аз рӯи ихтисосҳои «Кори табобатӣ», «Педиатрия» ва «Стоматология»
21.10.2021 – Коллеҷи тиббии донишгоҳ дар деҳаи Кангурти ноҳияи Темурмалик бо иштироки Пешвои миллат ифтитоҳ ёфт
17.07.2022 – хобгоҳи 9-ошёнаи донишҷӯён барои 800 ҷой бо иштироки Пешвои миллат мавриди баҳрабардорӣ қарор гирифт
2022 – ДДТХ узви комилҳуқуқи Ассотсиатсияи баҳодиҳии экспертии сифати таълими тиббӣ ва таҳсилот дар соҳаи тандурустии Аврупои Шарқӣ ва Осиёи Марказӣ гардид
2022 – бо маблағгузории Бонки ҷаҳонӣ Озмоишгоҳи биохимиявӣ кушода шуд
01.09.2023 – Пешвои миллат бинои асосӣ ва бинои таълимии №1-и донишгоҳро ифтитоҳ намуданд
2023 – ДДТХ ба Феҳристи умумиҷаҳонии донишгоҳҳои тиббӣ (World Directory of Medical Schools) ворид гардид
2023 – бо маблағгузории Ташкилоти умумиҷаҳонии тандурустӣ Озмоишгоҳи таълимӣ-амалии вирусологӣ кушода шуд
2024 – бо ташаббуси Пешвои миллат омӯзгорони донишгоҳ соҳиби ду бинои 9-ошёнаи истиқоматӣ гардиданд
2024 – Маркази таълимӣ-клиникии «Стоматология» ва факултети фармасевтӣ ба фаъолият оғоз карданд
23.10.2025 – бо иштироки Пешвои миллат биноҳои таълимии №2 ва №3 мавриди истифода қарор гирифтанд
21.11.2025 – VI конференсияи ҷумҳуриявии илмӣ-амалии ДДТХ
31.12.2025 – Оинномаи нави донишгоҳ тасдиқ гардид
2026 – донишгоҳ бори дуюм аз аттестатсия ва аккредитатсияи давлатӣ гузашт; таҷлили 10-солагӣ; 20 ноябр – VII конференсияи ҷумҳуриявии илмӣ-амалӣ

Бинои асосии донишгоҳ дар ноҳияи Данғара

Рушд дар рақамҳо

Шумораи омӯзгорон ва кормандон аз 97 нафар (2016) ба 461 нафар (2026) расид
Ҳайати профессорону омӯзгорон аз 37 нафар ба 259 нафар афзуд
Аз соли 2021 то 2026 донишгоҳро 1897 нафар хатм намуданд, ки 127 нафари онҳо соҳиби дипломи аъло гаштанд
Дар соли таҳсили 2026–2027 дар донишгоҳ 3367 донишҷӯ аз тамоми ҷумҳурӣ ва аз кишварҳои хориҷӣ дар чор факултет – тиббӣ, педиатрӣ, стоматологӣ ва фармасевтӣ таҳсил мекунанд

📖 Таърихи пурра: китоби «ДДТХ – меваи пурбори истиқлол» · ДДТХ дар рақамҳо · Рисолат ва арзишҳо · 10 соли ДДТХ

Манбаъ: буклети расмии донишгоҳ ва китоби «ДДТХ – меваи пурбори истиқлол» (2026).