Пас аз ҷамъбасти имтиҳони тестӣ, барои дида баромадани арзу шикоятҳои довталабон тибқи Қоидаҳои қабул комиссияи апеллятсионӣ, ки аз ҳисоби омӯзгорони тахассусии ДДТТ ба номи Абӯалӣ ибни Сино ва Комиссияи қабули ДДТХ, қаблан бо фармони ректори донишгоҳ профессор У.Қурбон  таъсис дода шуда буд, имрӯз санаи 04 – уми майи соли равон, мутобиқи эълонҳои қаблӣ    апеллятсияи натиҷаи имтиҳони тестӣ дар мактаби Президентии ноҳияи Данғара баргузор гардид.   Маълум карда мешавад, ки ба Комиссияи аппелятсионӣ наздики 50 нафар  довталаб  бо ариза муроҷиат намуданд, ки  аризаҳои онҳо  дар ҳузури довталабон ва волидайни онҳо баррасӣ карда шуд,  Дар  натиҷа аз ҷониби комиссия   хатогиҳо  аз  баҳогузории имтиҳон  ошкор нашуда, балки   сабабу омилҳо ва  хатогии  худи довталабон маълум карда шуд. Дар маҷмуъ  холҳои бадастовардаи довталбони муроҷиат намуда  аз имтиҳони тестӣ,  бетаъғир боқӣ монд.

Комиссияи қабул

       Мувофиқи нақша – чорабиниҳои   Комиссияи қабули Донишгоҳи далватии тиббии Хатлон,    вохўрии ректори  донишгоҳ доктори илмҳои тиб, профессор Убайдулло Қурбон   бо  довталабон ва волидайни онҳо     санаи 28 -уми апрели соли 2016, соати 12:00 дар толори Муассисаи таълимии давлатии  мактаби Президентӣ, воқеъ дар ҷамоати Корези ноҳияи Данғара   баргузор мегардад.

         Зимни вохўрӣ иштирокчиён метавонанд доир ба масъалаҳои вобаста ба раванди имтиҳонот ва фаъолияти комиссия қабул  саволҳо пешниҳод намоянд ва ба онҳо ҷавобҳои мушаххас гиранд.

Раёсати ДДТХ

Ба таваҷҷуҳи довталабони ДДТХ расонида мешавад, ки даври якуми имтиҳоноти қабул, ки ба таври тестӣ гузаронида мешавад, соати 07:00 – субҳи 02 – юми майи соли 2016 дар Муассисаи таълимии давлатии мактаби Президентӣ, воқеъ дар ҷамоати Корези н. Данғара баргузор мегардад.

Хотиррасон карда мешавад, ки довталаб бояд бо худ шиноснома ва дастхат (дастхат ба довталабоне дода шудааст, ки ў ба комиссияи қабули донишгоҳ ҳуҷҷат супоридааст) дошта бошад.

Маълумот дар бораи имтиҳони тестӣ

Имтиҳон аз ду қисм – тестӣ ва хаттӣ иборат буда, аз 3 блоки фанҳои таълимӣ; химия, биология ва физика – математика таркиб ёфтааст:

• блоки I – иборат аз 40 савол аз фанни химия, ки 30-тои он ба шакли саволҳои тестии пўшида ва 10-тои он ба шакли саволҳои тестии кушода (беҷавоб) мебошад ва ба ҳар як саволи дурусти саволҳои тестии пўшида мутаносибан 2,0 хол ва ба ҳар як саволи тестии кушода 3,0 хол муқаррар шудааст;

• блоки II – иборат аз 40 савол аз фанни биология, ки 30-тои он ба шакли саволҳои тестии пўшида ва 10-тои он ба шакли саволҳои тестии кушода (беҷавоб) мебошад ва ба ҳар як саволи дурусти саволҳои тестии пўшида ва кушода мутаносибан 2,0 холӣ муқаррар шудааст;

• блоки III – иборат аз 20 савол аз фанни физика ва математика, ки 10-тои он (аз фанни физика) ба шакли саволҳои тестии пўшида ва 10-тои он ба шакли саволҳои тестии кушода (5 савол аз физика ва 5 савол аз математика) мебошад ва ба ҳар як саволи дурусти саволҳои тестии пўшида ва кушода мутаносибан 2,0 холӣ муқаррар шудааст;

Дар маҷмўъ довталаб метавонад аз имтиҳони тестӣ то 210 холро ба даст орад.
Санҷиши тестӣ вобаста ба интихоби довталаб (ҳангоми супоридани ҳуҷҷатҳояш ба комиссияи қабули донишгоҳ) бо забонҳои давлатӣ ва русӣ баргузор мегардад.

Дар сурати аз як блоки тестӣ нагирифтани ягон хол (0) баҳои тестӣ дар маҷмўъ ғайриқаноатбахш ҳисобида мешавад.
Довталабоне, ки ба имтиҳони қабул ҳозир нашудаанд, баҳои ғайриқаноатбахш гирифташуда ҳисобида мешаванд.
Довталабоне, ки ба раванди қабули имтиҳонҳо халал мерасонанд, тартиботи дохилиро вайрон мекунанд ва аз воситаҳои мухталифи дар имтиҳон манъгардида истифода мекунанд, аз имтиҳон хориҷ карда мешаванд.

Санаи 28 -уми апрели соли 2016 тибқи нақша – чорабиниҳои Комиссияи қабули Донишгоҳи далватии тиббии Хатлон, вохӯрии ректори донишгоҳ доктори илмҳои тиб, профессор Убайдулло Қурбон бо довталабон ва волидайни онҳо дар толори мактаби Президентӣ, баргузор гардид.
      Ректори Донишгоҳ, профессор У. Қурбон сараввал дар бораи Донишгоҳи давлатии тиббии Хатлон, ки бо ташаббуси Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъсис ёфтааст, маълумоти муфассал дод. Инчунин қайд гардид, ки зарурияти таъсис ёфтани боз як муассисаи таҳсилоти олии касбии тиббӣ дар кишвари азизамон бо назардошти афзоиши аҳолии мамлакат ва қонеъ намудани талаботи кишвар ба мутахассисони соҳаи тиб мебошад.
       Дар рафти вохӯрӣ ректори донишгоҳ дар хусуси нақшаи қабул, қоидаҳои қабул, тартиби баргузории имтиҳоноти қабул, тартиби имтиёзҳои довталабон ва доир ба ноҳияҳое, ки ба онҳо коофитсентҳои имтиёзӣ муқаррар карда шудааст, маълумот дода шуд. Аз ҷумла, қайд гардид, ки соли ҷорӣ тибқи нақша бояд 350 нафар довталаб ба донишгоҳи тиббӣ қабул карда шавад. Аз ин миқдори тайиншуда, 150 ҷойи буҷавӣ ва 200 ҷой тариқи шартномавӣ пешбинӣ шудааст.
Аз рафти ҳуҷҷатсупории довталабон ба комиссияи қабул маълум гардид, ки аз аввали мавсим то 28 – ум апрели соли равон дар маҷмуъ 1295 нафар ба факултетҳои донишгоҳ ҳуҷҷат супоридааст, ки ин нисбат ба нақшаи қабул тақрибан 4 мартоба зиёд мебошад.
        Зимни суҳбат ректори донишгоҳ иброз намуд, ки роҳбарияти донишгоҳ мақсад ва тасмим гирифтааст, ки тамоми донишу малака ва таҷрибаҳои андӯхтаро баҳри ҷавобгӯйи талабот намудани сатҳу сифати таълиму тарбия, таъмини пурраи шаффофияти маъракаи қабул ва рушду нумуи минбаъдаи Донишгоҳи далатии тиббии Хатлон равона намоянд.
Дар рафти вохӯрӣ ба довталабон ва волидайни онҳо имконият дода шуд, то ки саволу дархостҳои худро ба ректори донишгоҳ пешниҳод намоянд. Ба дархосту саволҳои иштирокчиён посухҳои муносиб дода шуда, ҳамзамон таъкид гардид, ки довталабони донишгоҳи тиббӣ бояд танҳо ба донишу заковат ва ҳисси баланди масъулиятшиносии хеш такя намуда, дар ин давраи ҳассос аз макру фиреби баъзе қаллобону мардумфиребон канорагирӣ намоянд.
       Дар ҷамъбасти вохӯрӣ бори дигар аз ҷониби ректори донишгоҳ профессор У Қурбон ба ҳамаи онҳое, ки барои имтиҳоноти қабул омодагӣ гирифтаанд барору комёбӣ таманно карда шуд.