Хабарҳои ДДТХ (842)
Ҷаласаи аввалин Шӯрои занон ва духтарони ДДТХ баргузор гардид
Санаи 15 сентябри соли равон дар Донишгоҳи давлатии тиббии Хатлон аввалин ҷаласаи Шӯрои занон ва духтарон баргузор гардид, ки дар кори он ҳамаи занони донишгоҳ ва донишҷӯдухтарони фаъол иштирок намуданд.
Сараввал, Раиси Шӯрои занон ва духтарон, н.и.х., дотсенти кафедраи химия ва биологияи тиббӣ Усмонова У.Х. ҳозиронро бо баргузории аввалин Шӯро табрик намуданд. Баъдан, масъалаҳои асосии Шӯро дида баромада шуд. Қайд карда мешавад, ки ба Шӯрои занон ва духтарони ДДТХ ҳамаи кормандон - занони донишгоҳ аз қабили; Усмонова Умеда Хуршедовна, Қузибаева Наима Конбобоевна, Должикова Валентина Андреевна, Сайфидинова Фируза Алидодовна, Шарипова Ҳилола Якубовна, Мамадалиева Сабоҳат Абдураҳмоновна, Саидова Моҳшариф Раҳмоновна, Наботова Оламбӣ Зайниддиновна, Мамадавлатова Меҳрӣ Сафаралиевна, Набиева Азиза Набиевна интихоб карда шуданд.
Дар ҷаласа раиси духтарони ДДТХ донишҷӯи факултети тиббӣ, аз гурӯҳи 9 Баҳовудинова Шоиста ва раиси духтарони хобгоҳи ДДТХ донишҷӯи факултети педиатрӣ, аз гурӯҳи 9 Нилуфари Алишер интихоб гардиданд.
Аз ҷониби раиси Шӯро мазмуну муҳтавои “Барномаи давлатии самтҳои асосии сиёсати давлатӣ оид ба таъмини ҳуқуқу имкониятҳои баробарии мардон ва занон дар ҶТ” мавриди омӯзиш ва баррасӣ қарор дода шуд.
Ҳамзамон раиси Шӯрои занон ва духтарон ҳозиронро бо натиҷаи санҷиши масъулин, ки то ин дам дар хобгоҳ гузаронида шуда буд, шинос намуд.
Мувофиқи маълумотҳо шароити духтарони бо хобгоҳ таъминшуда аз ҳар ҷиҳат хуб буда, дар маҷмӯъ камбудиҳои ҷиддї ҷой надоранд.
Баъдан, омӯзгори собиқадор, дотсенти кафедраи забонҳо Должикова Валентина баромад намуда, ба ҳозирин дар бораи “Зан-модар” маърӯза намуд ва иброз дошт, ки зан нигоҳдорандаи хонадон буда, дар баробари ин, пеш аз ҳама ахлоқи намунавӣ, ақли расо ва меҳнатдуст бошад.
Дотсенти кафедраи анатомияи одам ва гистология Сайфидинова Фируза доир ба қоидаҳои ҳамзистӣ дар шароити хобгоҳ баромад намуд.
Дар охир, раиси Шӯрои занон ва духтарони ДДТХ бо тарафдории иштирокчиёни ҷаласа яке аз аъзои Шӯро -муаллимаи кафедраи химия ва биологияи тиббӣ Шарипова Ҳилоларо ба ҳайси котиби Шӯро интихоб намуд.
Шӯрои занон ва духтарони ДДТХ
Санги асос барои сохтмони ДДТХ гузошта шуд
Имрӯз 31августи соли 08.2016 Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тибқи сафари корӣ ба ноҳияи Данғара ташриф оварданд. Дар баробари кушодашавии як қатор корҳонаҳои саноатӣ ва маҷмааи варзишӣ дар ноҳияи Данғара, Ҷаноби олӣ Эмомалӣ Раҳмон дар минтақаи барои сохтмони иншооти Донишгоҳи давлатии тиббии Хатлон ҷудогашта, нома ба наслҳои оянда ва санги асоси ин маҳзани илму маърифатро гузоштанд.
Зимнан, Донишгоҳи давлатии тиббии Хатлон, бо назардошти афзоиши аҳолии мамлакат ва қонеъ намудани талаботи кишвар ба мутахассисони соҳаи тиб, бо ташаббуси Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъсис ёфта, он мутобиқи Қарори Ҳукумати Ҷумҳурии Тоҷикистон аз 25 феврали соли 2016, таҳти №79 тасдиқ шудааст. Донишгоҳ дар соли аввали таъсисёбиаш, яъне дар соли таҳсили 2016 – 2017 бо қабули 350 нафар донишҷў дар се факултет; тиббӣ, педиатрӣ ва стоматологӣ, инчунин бо таъсис додани 5 кафедра аз 04 – уми апрели соли 2016 дар ноҳияи Данғара ба фаъолият оғоз намудааст.
Лозим ба ёдоварист, ки баҳри иҷрои дастуру супоришҳо аз Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, бо роҳбарии собиқ ректори ДДТТ ба номи Абўалӣ ибни Сино, доктори илмҳои тиб, узви вобастаи АИТ назди Вазорати тандурустӣ ва ҳифзи иҷтимоии аҳолии ҶТ, баррандани ҷоизаи давлатии ба номи Абўалӣ ибни Сино профессор Убайдулло Қурбон аввали моҳи феврали соли 2016 гурўҳи корӣ таъсис дода шуд. Гуруҳи корӣ тавонист, ки дар муҳлати муқарраргашта, баъди омўзиши ҳаматарафаи дастурҳои байналмилалӣ оид ба лоиҳакашии муассисаҳои таҳсилоти олии тиббӣ, истифодаи таҷрибаи бисёрсолаи фаъолияти корӣ ва бо дарназардошти фикру мулоҳизаҳои мутахассисону коршиносони соҳа оид ба сохтмони бинои муассисаи нави таҳсилоти олии тиббӣ дар вилояти Хатлон ба Ҳукумати Ҷумҳурии Тоҷикистон «Лоиҳаи сохтмони бино ва иншоотҳои Донишгоҳи давлатии тиббии Хатлон» - ро пешниҳод намояд.
Бояд гуфт, ки масоҳати замини аз ҷониби Ҳукумати мамлакат барои сохтмони иншоотҳои Донишгоҳи давлатии тиббии Хатлон ҷудошуда, тақрибан аз 7 гектар иборат мебошад. Дар ҳудуди он имкони пурра сохта ба истифода додани биноҳои таълимию маишии Донишгоҳ мавҷуд аст, ки дар оянда метавонад ин мавзеъ ба як шаҳраки хубу зебои тиббии ҷавобгў ба меъёрҳои байналмилалӣ мубаддал гардад.
Дар сохтмони муассисаи таҳсилоти олии тиббӣ, ки дар ноҳияи Данғара барои фарогирии беш аз 4000 ҳазор донишҷў бунёд мегардад, аз рўи талаботи меъёрҳо дар нақшаи генералии он мақсади фаъолияти бахшҳои гуногуни донишгоҳ ва хусусияти минтақабандии функсионалии он ба эътибор гирифта шудаанд.
Нақшаи сохтмони иншоотҳои Донишгоҳ аз қисмати биноҳои алоҳидаи таълимӣ, бинои маъмурӣ, бинои толорҳои лексионӣ, бинои китобхона, толори калони маҷлисӣ - фарҳангӣ, бинои Озмоишгоҳи марказии илмӣ-тадқиқотӣ, биноҳои варзишии пўшида ва кўшода, биноҳои хоҷагӣ – ёрирасон ва иншоотҳои манзилӣ-маишӣ (аз хобгоҳҳо барои донишҷўёну аспирантон ва биноҳои зист барои омўзгорон) таҳрезӣ шудааст.
Мавриди зикр аст, ки бинои маъмурии донишгоҳ, ки мувофиқи тарҳи меъмории муосир аз ду қисмати ба ҳам пайваст иборат мебошад, қисмати марказии он дорои 9 ошёна буда, қисматҳои паҳлуии он ҳафтошёна мебошад.
Дар маросими гузошта шудани санги асос дар сохтмони бино ва иншоотҳои Донишгоҳи давлатии тиббии Хатлон ректори донишгоҳ, профессор Убайдулло Қурбон, аъзои Раёсат, ҳайати профессорону омўзгорон ва донишҷўёни донишгоҳ ширкат варзиданд.
Раёсати ДДТХ ташаббуси хирадмандонаи Пешвои миллатро нисбати рушду таҳкими соҳаи тандурустии кишвари азизамон ҷонибдорӣ намуда, омодааст, ки бо истифода аз имконоти васеи зеҳнӣ ва таҷрибаи андўхта, фаъолияти бемайлони Донишгоҳи давлатии тиббии Хатлонро таъмин намояд.
Шуъбаи таҳлил, назорат ва робита бо ҷомеа
ДАРСИ СУЛҲИ ПРЕЗИДЕНТ ДАР НОҲИЯИ ДАНҒАРА
Дар таърихи 1-уми сентябри соли 2016 дар майдони кушоди назди ДДД бо иштироки Асосгузори сулҳу Ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон ва ҳайати профессорону омӯзгорони ДДД, ДДТХ, роҳбарон ва донишҷӯёни бархе аз мактабҳои олии кишвар, коллеҷу мактабҳои таҳсилоти миёнаи умумии шаҳраку ноҳия, намояндагони баъзе вазоратхонаҳои дахлдор, ҳамчунин аъзои Ҳукумати ҶТ, намояндагони ВАО-и кишвар ва дигарон Дарси сулҳ баргузор гардид. Устоди сабақи Дарси сулҳ чун анъана худи Президенти мамлакат буд. Пешвои миллат дар оғози суханронӣ нахуст кулли устодону шогирдон ва тамоми аҳолии ҷумҳуриро ба ифтихори ин маъракаи маърифатӣ самимонаву содиқона табрику таҳният гуфта, ба онҳо барору комёбӣ таманно намуд.
Ҷаноби олӣ таъкидан иброз доштанд, ки соҳаи маориф дар сиёсати давлатии Ҳукумати Ҷумҳурии Тоҷикистон ҷойгоҳи афзалу бартарро дошт, дорад ва минбаъд низ ин мақомро аз даст нахоҳад дод, зеро бе пуштибонӣ аз ин соҳа мо ба рушду пешрафти ҳама соҳаҳои хоҷагии халқ дастрасӣ пайдо нахоҳем кард. Бо суръати кайҳонӣ тараққӣ кардани ҷомеаи ҷаҳонӣ аз ҳар яки мо, бахусус аз муаллимон, тақозо мекунад, ки дар ин масъала фориғбол набошем ва ба насли наврас, ҷавонон, ки ояндасозони кишвари маҳбубамон ба шумор мераванд, бо дилу нияти пок ҳамчун фарзанди хеш муносибат намоем. Умуман, ҳама дастуру пешниҳодоти сарвари давлат дар масъалаи илму маориф умедворкунанда буда, ба дастандаркорони соҳа қобили пазириш буд.
Ногуфта намонад, ки гузориши Президенти кишвар ба таври мустақим тариқи ҳама шабакаҳои телевизионии ҷумҳурӣ ба аҳолии мамлакат манзур гардид. Беш аз 200 нафар донишҷӯёни Донишгоҳи давлатии тиббии Хатлон низ дар толори фарҳангии донишгоҳ суханронии Ҷаноби олиро мустақиман тамошо намуданд.
Кумитаи иттифоқи касабаи кормандон ва донишҷӯён
Президент Таджикистана, лидер нации провёл «Урок мира»
Сегодня Президент Таджикистана, основатель мира и национального единства – Лидер нации Эмомали Рахмон в центре Дангаринского района в торжественной обстановке провёл «Урок мира», в котором активно участвовали 150 студентов и преподаватели Хатлонского государственного медицинского университета.
Глубокоуважаемый Эмомали Рахмон поздравил всех с приближающимся 25-ем Государственной Независимости и началом нового учебного года. В ходе своего выступления Глава государства уделил особое внимание обучению и воспитанию молодёжи. Он отметил, что молодёжь Таджикистана активно стремится к знаниям в настоящее время, чем когда- либо.
Глава государства сказал, что в будущем Таджикистан превратится в индустриально-аграрную, высококультурную страну. Поэтому молодому поколению нужно изучать точные и естественные науки. А также изучать иностранные языки и современные технологии.
Президент РТ говорил о том, что со временем далёкие, малообустроенные уголки Таджикистана будут превращены волей и вдохновенным трудом людей в культурные, цветущие районы, города и центры. Лидер нации подчеркнул, что открытие Хатлонского государственного медицинского университета способствует решению проблемы нехватки квалифицированных врачей в Хатлонской области и других южных районов республики.
В завершении, Президент страны, Эмомали Рахмон ещё раз поздравил всех присутствующих с приближающимся национальным праздником и пожелал счастливой жизни и благополучия.
Следует отметить, что День Знаний и Урок мира с участием Главы государства прошли в духе патриоризма, любви к Родине.
С днём знаний, дорогие наши студенты и преподаватели нашего университета!!!
Совет по делам женщин и девушек ХГМУ
Вохӯрии ректори ДДТХ бо донишҷӯён
Субҳи 2 – юми сентябри соли равон дар толори фарҳангии ДДТХ вохӯрии донишҷӯён бо ректор ва аъзои Раёсати донишгоҳ баргузор гардид. Сараввал ректори донишгоҳ, профессор Убайдулло Қурбон ба донишҷӯёни нахустини донишгоҳ аъзои Раёсатро шинос намуда, бо чунин суханони табрикотӣ ҷамъомадро ифтитоҳ бахшид:
«Шогирдони азиз, устодон ва ҳамкасбони гиромӣ! Сароғоз мехоҳам ҳамаи шуморо ба муносибати сазовор шудан ба номи донишҷӯи аввалини Донишгоҳи давлатии тиббии Хатлон аз номи раёсат ва шахсан аз номи худам самимона табрику муборакбод намуда, ба шумо пеш аз ҳама сиҳатмандии комил ва дар фатҳи қуллаҳои баланди илму дониш муввафақияту бурдбориҳо орзу намоям. Дар ҳақиқат донишҷӯи Донишгоҳи тиббӣ гаштан шарафи бузургест, зеро ҳар кадоми шумо дар оянда ба чизи аз ҳама қимматноктарин- саломатии одамон сару кор хоҳед гирифт. Барои ин бошад шуморо, шогирдони азиз, панҷ-шаш соли бедорхобиҳо, кӯшишу заҳматҳои пайваста баҳри расидан ба ҳадафҳои аслӣ, яъне табиби ҳозиқу донишманд шудан, интизор аст.
Воқеан, ҳамаи мо шоҳиди бевоситаи он ҳастем, ки давоми солҳои соҳибистиқлолии кишварамон дар радифи дигар соҳаҳои иҷтимоиву иқтисодии мамлакат дар сохтори тандурустии кишварамон низ бозсозиҳои амиқ оғоз гардид ва ин раванд то имрӯз пайгирона татбиқ карда мешавад. Дар натиҷа, имрӯз заминаҳои наву муосири қонунгузорӣ ва санадҳои меъёрии ҳуқуқии соҳа, такмили низоми идоракуниву маблағгузорӣ, муҳайё шуда, барои дар сатҳи хуб ва сифати баланд расонидани хизматрасониҳои тиббӣ мксоидат намуданд. Тавре Шумо донишҷӯёни азиз иттилоъ доред моҳи феврали соли равон бо Қарори Ҳукумати Ҷумҳурии Тоҷикистон Донишгоҳи давлатии тиббии Хатлон таъсис ёфт. Ёдовар мешавем, ки иқдоми мазкур ҷиҳати иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар Паёми имсолаашон ба Маҷлиси Олии Ҷумҳурии Тоҷикистон ироа шуда буданд, амалӣ шуд, ки хеле муҳим, саривақтӣ ва заруру ногузир мебошад. Шумо бояд ҳамеша дар ёд дошта бошед, ки ин муассисаи таҳсилоти олии тиббӣ барои қонеъ намудани талаботи рӯзафзуни мардуми Тоҷикистон бо табибони баландихтисос таъсис дода шудааст.
Боиси ифтихор аст, ки 31августи соли 2016, Асосгузори сулҳу ваҳдати миллӣ, Пешвои миллат, Президенти Xум[урии Тоxикистон муҳтарам Эмомалӣ Раҳмон тибқи сафари корӣ ба но[ияи Данuара ташриф оварда, дар минтақаи барои сохтмони иншооти Донишгоҳи давлатии тиббии Хатлон ҷудогашта, нома ба наслҳои оянда ва санги асоси ин маҳзани илму маърифатро гузоштанд, ки бе шубҳа ҳамаи мову шумо шоҳиди ин рӯзи таърихӣ гаштем.
Донишҷӯёни азиз! Бояд ҳар кадоми шумо ба хуби донед, ки тиббӣ тоҷик таърихи бою рангин дорад ва тибби ҳақиқии ояндаро зарур меояд, ки дар баробари аз худ кардани асосҳои илми тиббӣ муосир. инчунин савияи донишу касбии хешро аз ҳисоби омӯзиши мероси бойи муттафакирони гузашта баланд бардорад.
Имрӯз илми тиб дар баробари дигар илмҳои таббии бо суръати ниҳоят баланд рушду инкишоф ёфта, ба мутахассисони соҳа имкониятҳои нав ба нави табобати бемориҳои гуногунро фароҳам меорад. Аз худ намудани навгониҳои илм ва истифодаи оқилонаи онҳо дар таҷрибаи амалӣ аз вазифаҳои аввалиндараҷаи толибилмони донишгоҳи тиббӣ ба ҳисоб меравад. Бояд қайд кард, ки Раёсати донишгоҳ азм дорад мунтазам вазъияти таълиму тарбияро дар донишгоҳ таҳким бахшад ва умед аст, ки бо баробари сохта шудани биноҳои нави таълимию маишӣ даҳҳо кафедраву озмоишгоҳ ва клиникаҳои муҷаҳҳаз бо таҷҳизотҳои муосир барои Шумо шогирдони азиз шароити беҳтарини таълим фароҳам хоҳад шуд.
Бо маврид аст, ки аз натиҷаи маъракаи қабули довталабони имсола, ёдовар шавам. Бо масъулияти том мехоҳам изҳор намоям, ки имсол мо аз ҳамаи воситаю имокиятҳо истифода бурда, дар имтиҳони қабул шаффофияти заруриро таъмин намудем. Натиҷаи ҳамин аст, ки мо тавонистем беҳтарин довталабонро, ки воқеъан ҳам дониши муккамал доштанд, сазовори номи аввалин донишҷӯи ДДТХ гардонем. Ин ҷо бори дигар мехоҳам таъкид намоям, ки нафарони дар ҳақиқат омодагии хубу мақсадноку ҷиддидошта аз ин даргоҳ ноумед бар нагаштаанд.
Шогирдони азиз!
Ба ҳамаи шумо маълум аст, ки баъди чанд рӯз мо ҷашни 25-солагии Истиқлолияти давлатиамонро дар вазъияти тантанавӣ таҷлил хоҳем кард. Бояд ҳар яки шумо дарк намоед, ки эъломи истиқлолияти давлатӣ муҳимтарин воқеа дар таърихи давлату миллати куҳанбунёди мо ба ҳисоб рафта, он ба осонӣ ба даст наомадааст. Душманони дохилию хориҷии миллати тоҷик ба ҳар роҳу восита мехостанд, ки истиқлолияти кишвари моро барҳам зада миллати шарифи тоҷикро аз ин неъмати бузург маҳрум созанд. Мардуми тоҷик зери роҳбарии сарвари оқилу хирадманди хеш, Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тавонистанд, ки баҳри ҳифзи истиқлолияти кишвар истодагарӣ карда, сулҳу суббот ва як порчагии сарзамини хешро таъмин намоянд. Вале ҳамаи ин набояд мову шуморо ба ғафлат гузорад. Махсусан, шумо донишҷӯёни соли якуми таҳсил, ки ба дунёи васеи илму дониш имрӯз қадамҳои аввалини хешро мегузоред, дар баробари донишомӯзӣ бояд ҳар кадом дустдори ҳақиқии ватани хеш бошед ва дар ин роҳ аз ҳар гунна амалҳои ифратгароён ва душманони миллати тоҷик худатонро муҳофизат карда тавонед.
Донишҷӯёни азиз, муҳтарам устодон ва ҳозирини гиромӣ! иҷозат диҳед шуморо ба муносибати иди пурифтихор - Рӯзи Дониш ва ҳамзамон ба фарорасии ҷашни 25 – солагии Истиқлолияти давлатии Тоҷикистон самимона табрик намуда, бароятон саломатии бардавом, хушбахтию саодатмандӣ, пирӯзӣ дар зиндагӣ ва фатҳи қуллаҳои нави илми муосирро орзу намоям.
Танҳо бо сабру таҳаммул ва талошҳои пайваста Шумо метавонед дар ҷоддаи омӯхтани нозукиҳои касби табибро аз худ намоед ва ворисони арзандаву аслии Синои бузург шавед”.
Пас аз суханони табрикотӣ ректори донишгоҳ доир ба фаъолияти сохторҳои донишгоҳ, шароиту имкониятҳои дастрас, нақшаю барномаҳои таълимӣ ва қоидаҳои дохилидонишгоҳӣ бо донишҷӯён суҳбати озод доир намуд. Дар охири вохӯрӣ таъкид гардид, ки донишҷӯи донишгоҳи тиббӣ дар фаъолияти худ муносибати неку хайрхоҳона ба одамон дошта бошад, эҳтироми қоидаҳо ва шаъну шарафи донишгоҳро ба ҷо орад, боодоб, поквиҷдону дурусткор ва масъулиятшинос ба уҳдадориҳои худ бошад.
Шуъбаи таҳлил, назорат ва робита бо ҷомеа
Ҷаласаи нахустини Шурои Олимони ДДТХ дар соли таҳсили 2016-2017
Санаи 25-уми августи соли равон ҷаласаи нахустини Шурои Олимони ДДТХ баргузор гардид. Дар ҷаласа аз 23 нафар аъзои Шурои Олимон 3 нафар бо сабабҳои узрнок иштирок надоштанд. 15 нафар аъзоёни Шурои Олимон аз ҳисоби намояндагони раёсат ва 8 нафар аз ҳисоби устодон ва мудирони кафедрахо мебошанд. Сараввал ректори донишгоҳ профессор У. Қурбон аъзои Шурои Олимонро барои оғози фаъолияти корӣ дар ДДТХ табрик намуда, доир ба иҷрои вазифаҳои гузошташуда ва бо масъулияти ҷиддӣ оғоз бахшидани фаъолияти сохторҳо таъкид намуд.
Дар асоси рӯзномаи ҷаласа масъалаҳои зерин барраси шуданд: оид ба тасдиқ намудани аъзо ва баррасии нақшаи кории Шурои Олимон барои соли тахсили 2016-2017, ахбор оид ба омодагии шуъбаи таълим, деканат ва кафедрахо ба соли таҳисли 2016-2017, ахбор оид ба қабули донишҷўён ба курси 1-ум дар соли таҳсили 2016-2017, тасдик намудани низомномахои факултет, китобхона, назорати сифати таълим, қоидаҳои тартиботи дохилӣ барои донишҷўён ва хобгоҳи донишгоҳ, тасдиқ намудани барномаҳои намунавии таълимии кафедраҳо, тасдиқ намудани сарбории таълимии ҲПО, тасдиқ намудани таъсисёбӣ ва номгузории кафедраҳо.
Баъди барраси намудани масъалаҳои мазкур, оид ба ҳар як масъала қарори Шурои олимон қабул карда шуд, ки дар асоси он ба масъулини донишгоҳ як қатор дастурҳои мушахас дода шуд.
Шуъбаи таълими ДДТХ
Кӯмакҳои Донишгоҳи давлатии тиббии Тоҷикистон ба номи Абӯалӣ ибни Сино
Кӯмакҳои Донишгоҳи давлатии тиббии Тоҷикистон ба номи Абӯалӣ ибни Сино
Пас аз таъсис ёфтани Донишгоҳи давлатии тиббии Хатлон раёсати донишгоҳ имрӯзҳо бо мақсади омодагии саривақтӣ ба соли аввали таҳсил кушишҳои зиёд ба харҷ дода истодааст, то ки машғулиятҳо дар сатҳи баланд гузаронида шаванд, ҳамзамон кафедраҳо бо ашёҳо ва маводҳои лозима таъмин бошанд. Зимни ин гуфтаҳо зикр кардан ба маврид аст, ки аз тарафи Донишгоҳи давлатии тиббии Тоҷикистон ба номи Абӯалӣ ибни Сино дар таърихи 16 – уми августи соли равон дар идомаи кӯмакҳои хайриявӣ ҷиҳати таъмин намудани китобхонаи донишгоҳ бо ададбиёти таълимию бадеӣ бо забонҳои тоҷикӣ ва русӣ, аз қабили «Анатомияи одам», «Атлас анатомия человека», «Атлас-учебник по функциональной анатомии человека», «Гистология» «Гистология, цитология и эмбриология» ва ғ. бо теъдоди умумии 1490 номгӯи китоб, ки 7537 нусхаро ташкил медиҳанд, ба фонди китобхона тӯҳфа карда шуд. Илова бар ин, барои кафедраи анатомия маводҳои айёнӣ ва як адад тахтаи электронӣ тақдим карда шуд. Лозим ба қайд аст, ки дар маросими расонидани кӯмак мушовири ректор Қурбонов С., муовинони ректор; Гадоев Б., Ибодов С., Холов Ё ва мудири китобхони илмии ДДТТ Хайруллоева С. ҳузур доштанд. Иқдоме, ки аз ҷониби ДДТТ ба номи Абӯалӣ ибни Сино ба анҷом расонида шуд, аз ҳамоҳангӣ ва муносибати тарафайни ин ду донишгоҳе, ки баҳри омода намудани табибони олидараҷа ва ҷомеаи солим мекушанд, дарак медиҳад.
Дар навбати худ Раёсати донишгоҳи давлатии тиббии Хатлон аз иқдоми роҳбарияти ДДТТ ба номи Абӯалӣ ибни Сино ба ректори он Гулзода М. сипосгузор буда, умед аст, ки бо ин амали нек дар қатори дигар абармардони тоҷик исми онҳо дар саҳифаҳои таърихи навини донишгоҳи мо сабт хоҳанд шуд.
Ҷаласаи нахустини Раёсат
Ҷаласаи нахустини Раёсати Донишгоҳи давлатии тиббии Хатлон барои соли таҳсили 2016-2017
Санаи 22-юми августи соли равон ҷаласаи нахустини Раёсати ДДТХ доир гардид. Дар ҷаласа 16 нафар аъзои маҷлис иштирок доштанд. Саравал ректори донишгоҳ профессор У. Қурбон аъзои Раёсатро барои оғози фаъолияти корӣ дар ДДТХ табрик намуда, доир ба иҷрои вазифаҳои гузошташуда ва бо масъулияти ҷиддӣ оғоз бахшидани фаъолияти сохторҳо таъкид намуд. Сипас тибқи фармоиши ректори донишгоҳ дар бораи тайиноти кадрӣ дар сохторҳои Раёсати донишгоҳ шунида шуд. Аз ҷумла, Маҳмадалиева С. - ба вазифаи раиси Кумитаи иттифоқи касабаи кормандон ва донишҷӯён, Усмонова У. - ба вазифаи раиси Шӯрои занон ва духтарон ва ба вазифаи котиби Шӯрои олимон Кузибоева Н. таъин шуданд.
Дар асоси рӯзномаи ҷаласа масъалаҳои тасдиқ нақшаи кории Раёсат барои соли тахсили 2016-2017, омодагии муовинати таълим ба соли таҳисли 2016-2017, маълумоти Комиссияи қабул дар соли таҳсили 2016-2017, омодагӣ ва иштирок дар чорабиниҳо вобаста ба гузоштани санги асоси ДДТХ, дарси Сулҳ ва як қатор масъалаҳои гуногун баррасӣ ва мухокима гардиданд.
Доир ба масъалаи дуюм муовини ректор оид ба таълим Ғафуров Б.А. нисбати рафти корҳои омодагӣ дар кафедраҳо, шуъбаи таълим ва деканати факултетҳо, инчунин нақшаҳо ва барномаҳои таълимӣ маълумоти муфассал пешниҳод намуд. Дар хусуси қабули довталабон котиби масъули комиссия Ахмедов Ш.Р маълумот дода, аз ҷумла қайд намуд, ки Комиссияи қабули довталабони Донишгоҳи давлатии тиббии Хатлон раванди қабули довталабонро барои соли таҳсили 2016-2017 дар доираи Қонунҳои Ҷумҳурии Тоҷикистон «Дар бораи маориф», «Дар бораи таҳсилоти олии касбӣ ва таҳсилоти касбии баъд аз муассисаи олии таълимӣ», «Қоидаҳои қабули донишҷӯён ба муассисаҳои таҳсилоти олии касбии Ҷумҳурии Тоҷикистон дар соли таҳсили 2016-2017» ва Низомномаи комиссияи қабул амалӣ намуд. Дар марҳилаи тайёрӣ ба маъракаи қабули довталабон дар Раёсати донишгоҳ Нақшаи чорабиниҳои донишгоҳӣ оид ба қабули довталабон ба Донишгоҳ тасдиқ карда шуд. Ҳамзамон дар давраи то оғози қабули ҳуҷҷатҳо тибқи талаботи қоидаҳои қабули донишҷӯён корҳои тарғиботӣ ва ташвиқотӣ дар рӯзномаҳои давлатӣ ва мустақил ба роҳ монда шуда буд.
Зикр гардид, ки қабули ҳуҷҷатҳои довталабон аз санаи 1.04.с.2016 шуруъ гардида то 30.06. соли равон идома дошт. Ба Комиссияи қабул дар ин давра ҳамагӣ 1633 нафар ҳуҷҷатҳои худро супориданд. Дар маҷмуъ қайд гардид, ки натиҷаи ҷамъбастии имтиҳонҳо бо ворид намудани коэффисиентҳои барои ноҳияҳо муқарраршуда боис гардид, ки дар маҷмуъ 351 нафар довталаб сазовори номи баланди донишҷӯи курси 1-уми Донишгоҳи давлатии тиббии Хатлон гардиданд.
Дар идомаи ҷаласа декани факултети тиббӣ Саидов И. доир ба масъалаи омодагиҳо ва иштироки донишҷӯёну кормандон дар чорабиниҳо вобаста ба гузоштани санги асоси ДДТХ ва дарси Сулҳ гузориш дод.
Дар ин ҷаласа аз ҷониби ректори донишгоҳ оид ба корҳои ободонӣ ва таъмирии донишгоҳ, тақсимоти хобгоҳ ба донишҷӯёни ниёзманд, вусъат бахшидани фаъолияти Сомона, тайёрии китобхона ба соли хониш, инчунин доир ба таҳияи барномаи вохӯрии донишҷӯён бо ректори донишгоҳ, бахшида ба Рӯзи донишҷӯён баррасӣ гашт. Дар асоси масъалаҳои дар ҷаласаи имрӯза матраҳшуда, ба масъулини донишгоҳ як қатор дастурҳои мушахас дода шуд.
Шуъбаи таҳлил, назорат ва робита бо ҷомеа
