23 - юми декабри соли 2022 ҳайати профессорону омӯзгорон ва донишҷӯёни Донишгоҳи давлатии тиббии Хатлон пахши мустақими телевизионии Паёми солонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистонро тамошо намуда, аз он руҳу илҳоми тоза гирифтанд.  

Пешвои миллат муҳтарам Эмомалӣ Раҳмон дар Паёми навбатӣ вазъи кунунии рушди иҷтимоию иқтисодии кишварро мавриди баррасӣ қарор дода, оид ба пешбурди сиёсати хориҷӣ ва таъмини пешрафти соҳаҳои иқтисоду саноат, энергетика, роҳу нақлиёт, амнияту мудофиа, ҳифзи ҳуқуқу тартибот, тандурустӣ, фарҳанг, илму маориф, ҳифзи иҷтимоии аҳолӣ, ҷавонон, варзиш, сайёҳӣ ва ғайраҳо вазифаҳои мушаххас ба миён гузоштанд.

ХАБАРНИГОРИ СОМОНА

16 - уми декабри соли 2022 дар Донишкадаи давлатии тиббии Самарқанд  III - юмин Олимпидаи байналмилалии донишҷӯёни донишкадаҳои олии тиббӣ “Самарқанд - 2020” аз рӯи  34 фанни клиникӣ ва заминавӣ баргузор гардид. 

Бо даъвати Донишкадаи мазкур донишҷӯёни Донишгоҳи давлатии тиббии Хатлон низ дар олимпиада ширкат варзиданд.

Бояд қайд намуд, ки озмун аз 2 марҳила - тестӣ (30 савол) ва шифоҳӣ (3 савол) аз малакаҳои амалӣ иборат буд.

 Озмун дар байни  10 давлати хориҷӣ (Полша, Туркия, Россия, Белоруссия, Украина,  Қазоқистон, Қирғизистон ва Ӯзбекистон) гузаронида шуд, ки 500 нафар донишҷӯён аз 76 донишгоҳи тиббӣ дар он фаъолона иштирок намуданд. 

Аз ДДТХ дар олимпиада 27 нафар   донишҷӯ иштирок намуданд, ки 1 нафар ҷойи дуюм, 1 нафар ҷойи сеюм ва 6 нафар сазовори  ҷойҳои ифтихорӣ гардиданд.

Дар номинатсияи  «Ҷарроҳии кӯдакон»  Сатторова А. П. - донишҷӯи  курси 6-уми факултети тиббӣ  сазовори ҷойи 2-юм, Ҷабборов Ҳ. А. - донишҷӯи  курси 4-уми факултети педиатрӣ сазовори ҷойи 3-юм ва Етмишев М. М. - донишҷӯи  курси 4 - уми факултети  педиатрӣ сазовори ҷойи ифтихорӣ  гардиданд.

Ҳамзамон, Султанов С. А. - донишҷӯи  курси 4-уми факултети тиббӣ аз фанни «офталмология» ва Комилҷони Собир - донишҷӯи  курси 5-уми факултети педиатрӣ аз фанни «невролология» дар номинатсияи “Ҳалли беҳтарини супоришҳои амалӣ”  ҷойҳои ифтихориро ба даст оварданд.

Инчунин, донишҷӯи  курси 4-уми факултети  педиатрӣ Эргашев И. З.  аз фанни «физиологияи патологӣ» дар номинатсияи «Иҷрои беҳтарини малакаҳои амалӣ»,  донишҷӯи  курси 5-уми факултети тиббӣ Исмонов Х. М.  аз фанни «травматология» дар номинатсияи «Тафаккури клиникӣ» ва донишҷӯи  курси 6-уми факултети тиббӣ Ҳ. Суҳроб  аз фанни «офталмология» дар номинатсияи «Муносибати беҳтарини илмӣ дар ҳалли мушкилот» ҷойи ифтихориро ишғол намуданд.

      Раёсати ДДТХ, ҳайати профессорону омӯзгорон ва донишҷӯёни ДДТХ ғолибонро табрику таҳният намуда, барояшон дар таҳсил ва мусобиқаҳои минбаъда комёбӣ хоҳонанд.

ХАБАРНИГОРИ СОМОНА

1-уми декабри соли 2022 дар Донишгоҳи давлатии техникии Новосибирск онлайн олимпиадаи байналмилалӣ аз забонҳои хориҷӣ дар мавзуи «Мо фарҳангро месозем ё фарҳанг моро меофарад?» баргузор гардид.

   Бо даъвати Донишкадаи мазкур донишҷӯёни ДДТХ низ дар олимпиада ширкат варзиданд.

Бояд қайд кард, ки дар олимпиадаи мазкур ба англисидонии иштироккунандагон эътибори асосӣ дода шуда, дар он донишҷӯёни курсҳои 1-5-и донишгоҳҳо метавонистанд ширкат варзанд. Олимпиада аз 2 марҳила - «шунидан» ва «гап задан» иборат буд .

Аз ҳар  як донишгоҳ як дастаеро, ки ҳамагӣ аз 3 донишҷӯ иборат буд, даъват карда шуданд ва тариқи онлайн дар платформаи барномаи «Webinar» «Big Blue Button» баргузор гардид.

Аз ДДТХ дар олимпиада 3 нафар иштирок намуданд ва  донишҷӯи курси 3-юми факултети педиатрӣ Абдуллоева М. сазовори ҷойи 2-юм гардид.

Ҳамзамон, дастаи Донишгоҳи давлатии тиббии Хатлон дар олимпиадаи байналмилалӣ аз забони англисӣ сазовори ҷойи 1-ум гардид.

Раёсати ДДТХ, ҳайати профессорону омӯзгорон ва донишҷӯёни ДДТХ ғолибонро табрику таҳният намуда, барояшон дар таҳсил ва мусобиқаҳои минбаъда муваффақияти нав ба нав хоҳонанд.

ХАБАРНИГОРИ СОМОНА

16-уми декабри соли 2022 дар Донишгоҳи давлатии тиббии Хатлон Конференсияи ҷумҳуриявии илмӣ-амалии  ДДТХ (III-солона) дар мавзуи “МАСЪАЛАҲОИ МУБРАМИ ТИББИ МУОСИР: МУШКИЛОТ ВА РОҲҲОИ ҲАЛЛИ ОНҲО” баргузор гардид, ки ба 30-солагии Иҷлосияи XVI-уми Шӯрои Олии Ҷумҳурии Тоҷикистон бахшида шуда буд.

Дар кори конференсияи мазкур ҳайати профессорону омӯзгорон ва донишҷӯёни ДДТХ, олимони саршиноси Ҷумҳурии Тоҷикистон ширкат варзида, маърӯзаҳои пурмуҳтаво карданд.

Ҳамзамон, намояндагон аз воситаҳои ахбори омма дар конференсия ширкат варзида, рафти онро ба навор гирифтанд, бо омӯзгорон ва донишҷӯёни фаъол мусоҳиба оростанд.

Конференсияро ректори Донишгоҳи давлатии тиббии Хатлон, узви вобастаи АМИТ, доктори илмҳои тиб, профессор Убайдулло Қурбон ҳусни ифтитоҳ бахшиданд.  Муҳтарам ректор иштирокчиёнро шодбош гуфта, барояшон дар кори конференсия барору муваффақият орзу намуданд.

Профессор Убайдулло Қурбон барои аҳли нишаст олимони варзидаи Ҷумҳурии Тоҷикистон, аз ҷумла, Сангинов Ҷумабой Раҳматович - доктори илмҳои тиб., профессори кафедраи онкология, ташхиси шуоӣ ва табобати шуоии Донишгоҳи давлатии тиббии Тоҷикистон ба номи Абӯалӣ ибно Сино, Саидов Абдулманон Саторович - доктори илми фалсафа., профессори ДДТТ,  раиси Кумитаи ҷумҳуриявии иттифоқи касабаи кормандони тандурустӣ ва ҳифзи муҳити иҷтимоии аҳолии Ҷумҳурии Тоҷикистон Ҳаётзода Нурхон Шариф, раиси Комиссияи олии аттестатсионии назди Президенти Ҷумҳурии Тоҷикистон Розиқзода Абдулҳаким Шералӣ, ректори Донишгоҳи давлатии Данғара Шоҳиён Нуралӣ Набот ва дигар олимони намоёнро муаррифӣ намуданд.

        Сипас меҳмонони олиқадр иштироккунандагони конфронсро табрику таҳният намуда, ба фаъолияти  ДДТХ баҳои мусбат доданд. Профессори фахрии ДДТХ Должикова Валентина Андереевна бо суханони пурмуҳтавои хеш барои иштироккунандагони конференсия муваффақият хост.

       Дар ҷаласаи пленарии конференсия профессорони Донишгоҳи давлатии тиббии Тоҷикистон ба номи Абӯалӣ ибни Сино Сангинов Ҷ.Р., Саидов А.С., Қурбонов С.Х., докторони илмҳои тиб Раҳмонов Х.Ҷ., Юлдошев Р.З. маърӯзаҳои пурмуҳтаво карданд.

           Ҳамзамон, аз Донишгоҳи давлатии тиббии Хатлон доктор PhD Норматова М.А. маърӯза кард.

Дар идомаи конференсия ҳаваскорони дастаи “Дурахшон” барномаи ҷолиби таҳиянамудаашро барои иштирокчиёни конференсия пешкаш намуда, табъи онҳоро болида гардониданд.

         Пас аз нисфирӯзӣ конференсия кори худро аз рӯи панҷ бахш - “Ҷарроҳӣ”, “Онкология”, “Фанҳои клиникӣ” (бемориҳои дарунӣ, стоматология, педиатрия), “Фанҳои назариявии тиббӣ” ва “Фанҳои назариявии ғайритиббӣ” идома дод. Дар ҷаласаи сексионӣ дар маҷмуъ, 102 маърӯзаҳои илмӣ шунида шуданд.

Пас аз анҷоми ҷаласаҳои сексионӣ резолютсияи конференсия қабул гардид ва муовинии ректори ДДТХ оид ба илм ва нашрия Боронов А.Ҳ.   барои  иштирокчиёни конференсия изҳори сипос намуд.

ХАБАРНИГОРИ СОМОНА