Варзиш
Дар асоси нақша-чорабиниҳои якҷояи Вазорати маориф ва илми Ҷумҳурии Тоҷикистон ва Кумитаи ҷавонон, варзиш ва сайёҳии назди Ҳукумати Чумҳурии Тоҷикистон баргузории мусобиқаҳои ҷумҳуриявӣ байни донишҷӯёни муассисаҳои таҳсилоти олии касбии Ҷумҳурии Тоҷикистон, ки аз се марҳила иборат буд, дар марҳилаи якум дар ДДТХ байни донишҷӯён аз рӯи намудҳои волейбол, варзиши сабук ва намудҳои гуногуни гуштин мусобиқаҳо мувофиқи низомнома гузаронида шуд.
Аз натиҷаи мусобиқаҳо аз рӯи намудҳои волейбол (писарон ва духтарон), гуштини дзюдо ва миллӣ, варзиши сабук дастаҳои варзишӣ бо номи “ Пайки Сино” ташкил карда шуд.
Дар мусобиқаи марҳилаи дуюм байни донишҷӯёни Донишгоҳҳои олии вилояти Хатлон аз рӯи намуди “волейбол”, ки дар таърихи 17-18.04 байни духтарон дар ноҳияи Данғара баргузор гардид, дастаи волейболбоздухтарони ДДТХ бо номи “Пайки Сино” дар ин мусобиқа иштирок намуданд. Дастаи ДДТХ бо дастаҳои ДДК, ДДД ва Донишгоҳи политехникии ш.Кулоб қувваозмоӣ намуда, дар натиҷа сазовори ҷои 3-юм гардиданд.
Дар намуди “гуштини миллӣ” бошад, дастаи донишҷӯёни ДДТХ бо номи “Пайки Сино” дар 5-намуди дараҷаи вазнҳо: Холов Ашраф (60кг), Азизӣ Маҳмадалӣ (65кг), Камолов Муҳаммадҷон (70кг), Нуров Маъруф (75кг), Сафаров Акбар (80кг) баромад намуданд, ки дар натиҷа Азизӣ Муҳаммадалӣ, Камолов Муҳаммадҷон, Нуров Маъруф сазовори ҷои 2-юм ва Сафаров Акбар сазовори ҷои 3-юм гардиданд.
Гуштини “тарзи озод” дар таърихи 26-27.04.2017 дар н. Данғара дар Донишгоҳи давлатии Данғара баргузор гардид. Дар ин мусобиқа донишҷӯи бахши аввали гурӯҳи 8-уми факултети тиббӣ Воҳидов Охунҷон ширкат варзид. Ӯ барои ишғоли мақоми 3-юм мубориза бурда, бо усули ба тахтапушт афтондан, ки соҳиби 4-имтиёз ва дар ҳамон ҳолат ба муддати 20 сония нигоҳ доштан ва тахтапушти ҳарифро ба гилем расонидан, ки донишҷӯи Донишгоҳи давлатии Данғара буд, дастболо гардид.
Новобаста аз он ки ДДТХ навтаъсис мебошад ва донишҷӯёни ДДТХ, ки бори аввал дар ин гуна мусобиқаҳо иштирок менамоянд, аз худ маҳорати баланди варзишӣ нишон доданд.
Чун соли 2017 “Соли ҷавонон” эълон гардидааст, боварӣ дорем, ки донишҷӯёни ДДТХ дар ҳамаи ҷабҳаҳои ҷаҳони имрӯза, чӣ дар раванди азхудкунии илми ҷаҳонӣ ва чӣ ба даст овардани дастовардҳои варзишӣ аз худ маҳорати баланд нишон дода, барои муаррифӣ ва баланд бардоштани нуфузи Донишгоҳ боз ҳам саъю кӯшиши зиёд менамоянд.
Кафедраи фанҳои “Ҷомеашиносӣ”
Варзиш ин амал ё фаъолиятест, ки аз замонҳои хеле қадим дар байни одамон ба вуҷуд омада, таърихи хеле тӯлонӣ ва сабақомӯзе дорад. Масалан, аллакай дар Юнони Қадим бозиҳои олимпӣ гузаронида мешуд. Ҳангоми гузаронидани ин бозиҳои варзишӣ амалиётҳои ҷангӣ қатъ мегаштанд ва ин бозиҳо тамоми юнониёнро ба якдигар муттаҳид менамуданд.
Имрӯз варзиш ягона сафирест, ки имконияти аз байн бурдани низову нифоқро дар байни одамон дорад. Шукри истиқлолият, ваҳдати миллӣ ва фазои сулҳу суббот, ки ба мо аз тарафи Асосгузори сулҳу ваҳдати миллӣ , Пешвои миллат, муҳтарам Ҷаноби Олӣ, Эмомалӣ Раҳмон, махсусан дар соҳаи варзиш дастгириҳои беназир шуда истодааст. Имсол дар ноҳияи Данғара маҷмуаи варзишие кушода шуд, ки имконияти гузаронидани мусобиқаҳои байналмилалии сатҳи ҷаҳониро дорад. Бинои нави асосии ДДД, ки бо толори варзишии ҳозирамон муҷаҳаз гардонида шудааст, ба истифода дода шуд. Ин ҳама ба хотири тарзи ҳаёти солимро интихоб намудани шаҳрвандон ва донишҷӯён ва аз ҳама гуна корҳои ношоям ва ба гурӯҳҳои ифротгаро ва дасисаҷӯй шомил нашудани онҳо мебошад.
Раёсати ДДТХ ва раёсати ДДД дар якҷоягӣ бо бахши ҷавонон, варзиш ва саёҳии Данғара тибқи нақша - чорабиниҳои Дастгоҳи иҷроияи Президенти ҶТ бахшида ба Рӯзи Президент 12-уми ноябри соли 2016 дар варзишгоҳи марказии ноҳияи Данғара мусобиқаи футболро байни дастаҳои яккачини Донишгоҳи давлатии тиббии Хатлон ва Донишгоҳи давлатии Данғара баргузор намуд. Албатта, ин мусобиқа барои боз ҳам ба ҳам наздик намудан ва мустаҳкам кардани дӯстию рафоқати ин ду таълимгоҳи олии ноҳия заминаи мустаҳкаме гузошт. Гарчанде дастаи навтъасиси ДДТХ бозиро бохта бошад ҳам, ин барои ҷавонони ҳарду донишгоҳ сабақи бузурги хештаншиносӣ, рафоқату муттаҳидӣ гардид.
Шарипова Дилафрӯз, Қаюмов Сино - донишҷӯёни гурӯҳи 7-8-уми тиббӣ
Ҳар як инсон ба ду навъи ғизо зарурат дорад - ғизои моддӣ ва ғизои маънавӣ. Барои ғизои маънавӣ донишҷуён паси курсӣ дар китобхона ва дар дарсҳо нишаста сабақ мегиранд, барои ғизои моддӣ бошад, солим гардонидани руҳу ҷисми онҳо зарур аст, яъне ба қавли Ибни Сино:«Агар хоҳед, ки шуморо ба табиб зарурат набошад, ба варзиш машғул шавед». Дар ин росто мувофиқи супориши раёсати донишгоҳ бахшида ба рӯзи Конститутсияи ҶТ, мусобиқаи варзишӣ аз рӯи намуди футбол байни донишҷӯёни факултаҳои ДДТХ ба нақша гирифта шуд.
Низомнома ва тартиби гузаронидани бозии футбол таҳия карда шуда, аз 24-уми октябр то 7-уми ноябри соли 2016 мусобиқаи футбол байни дастаҳои факултетҳо дар майдони варзишии ДДТХ баргузор гардид. Дар мусобиқа 12 дастаи факултаҳои тиббӣ, педиатрӣ ва стоматологӣ иштирок намуданд. Ба бозии финалӣ дастаҳои гурӯҳҳои 7-8-уми тиббӣ ва 3-4уми тиббӣ роҳ ёфтанд. Баъди баргузории бозии финалӣ дастаи гурӯҳҳои 7-8-уми тиббӣ ҷойи якум, дастаи гуруҳҳои 3-4уми тиббӣ ҷойи дуюм ва дастаҳои гурӯҳҳои 5-6-уми тиббӣ ва 1-2-и тиббӣ ҷойи сеюмро ишғол намуданд. Дар ҷамъбасти мусобиқа муовини ректор оид ба таълим Ғафуров Б.А., раиси иттифоқҳои касабаи кормандону донишҷӯён Мамадалиева С.А. иштирок намуда, ғолибони мусобиқаро бо туҳфаҳои хотиравӣ ва ифтихорнома сарфароз намуданд.
Мақсади ташкили бозиҳо дар байни донишҷӯён бедор намудани ҳисси масъулият, ҳамдигарфаҳмӣ ва пурқувваттар намудани дӯстию бародарӣ дар байни онҳо мебошад. Ҳамзамон донишҷӯён варзиш, ҳаёти солим, муҳити солимро пайгирӣ намуда, аз амалҳои ғайриахлоқӣ дурӣ ҷӯянд. Дар оянда низ дар ҷамъият адои вазифа намуда, мутахасисони хубу солим ба воя бирасанд, дар байни ҷомеа соҳиби обрӯю мартабаи баланд гарданд ва ба давлату миллати худ хизмати сазовор намоянд.
Нуров Маъруф – донишҷӯи гурӯҳи 10-уми факултети тиббии ДДТХ
