22-юми феврали соли ҷорӣ дар Донишгоҳи давлатии тиббии Хатлон бахшида ба Рӯзи Қувваҳои мусаллаҳи Ҷумҳурии Тоҷикистон чорабинии бошукӯҳ баргузор гардид.
Барномаи фарҳангӣ аз роҳпаймоӣ бо Парчами миллӣ оғоз гардида, ҳамзамон, Суруди миллии Ҷумҳурии Тоҷикистон садо дод.
Ректори донишгоҳ д.и.т., профессор Убайдулло Қурбон ҳамаи устодон, донишҷӯён ва кормандони донишгоҳро ба муносибати Рӯзи Қувваҳои мусаллаҳи Ҷумҳурии Тоҷикистон табрику таҳният гуфта, барои ҳозирин тани сиҳат, хотири ҷамъ ва комёбиҳои беназирро орзу намуданд.
Дар рафти барномаи фарҳангӣ муовини ректор оид ба тарбия ва фарҳанг н.и.х. Усмонова У.Х. ва профессори фахрии донишгоҳ Должикова В.А. ҳозиринро ба ин ҷашни пуршукӯҳ самимона табрик намуданд.
Лейтенанти калони кафедраи ҳарбӣ Сатторов Ё.Қ. дар мавзӯи «Сохти Қувваҳои Мусаллаҳи Ҷумҳурии Тоҷикистон» барои ҳозирин маърузаи пурмухтаворо бо намоиши презентатсия пешкаш намуд.
Барномаи фарҳангии дастаи «Дурахшон» - рақсу суруд, ҳаҷвияҳо ва машқҳои низомӣ хеле ҷолиб буда ва дар сатҳи баланд иҷро гардиданд.
Дар анҷоми барнома Ректори донишгоҳ, муҳтарам Убайдулло Қурбон бори дигар ҳозиринро бо Рӯзи Қувваҳои мусаллаҳи Ҷумҳурии Тоҷикистон табрик карда, барои баргузории чунин чорабинии бошукуҳу шаҳомат ба ташкилкунандагон ва таҳиягарони барнома изҳори сипос намуданд.
ХАБАРНИГОРИ СОМОНА