13 ноябри соли ҷорӣ дар доираи чорабиниҳо бахшида ба «Рӯзҳои фарҳанги Ҷумҳурии Ӯзбекистон дар Ҷумҳурии Тоҷикистон» дар Қасри фарҳанг барномаи консертӣ ва намоиши ҳунарҳои мардумӣ баргузор гардид.
Меҳмононро сокинон ва ҳунармандони ноҳия бо шукуҳу шаҳомати хосса пешвоз гирифтанд.
Аз Донишгоҳи давлатии тиббии Хатлон дар барномаи консертии мазкур 80 нафар донишҷӯдухтар бо либосҳои миллӣ ва 20 нафар омӯзгор ширкат варзида буданд.
Барои иштироккунандагон аз ҷониби ҳунарпешаҳои шоиста ва маъруфи Ӯзбекистон, ансамбли “Мақом” ва ансамбли рақсии “Тошкент зеболари” барномаи ҷолиби консертӣ пешниҳод гардид.
МУОВИНАТИ ТАРБИЯ ВА ФАРҲАНГ