20-уми ноябри соли ҷорӣ кафедраи фанҳои муолиҷавӣ маҳфили навбатии худро гузаронд, ки донишҷӯён дар мавзӯи «Диққи нафас» ва «Пилоростеноз» маълумот доданд. Маҳфили кафедраи фанҳои муолиҷавӣ «Бемориҳои даруна» ном дошта, зиёда аз 20 аъзо дорад. Ин навбат аз рӯйи мавзӯи «Диққи нафас» донишҷӯёни курси сеюми гурӯҳи 305-и тиббӣ Саидова Ҳ. ва Боқиев О. маърӯза намуданд.
Донишҷӯёни курси сеюми факултети тиббӣ Маҷидов Д. ва Қудратова Б. дар мавзӯи «Пилоростеноз» маълумот доданд. Баъд аз баромади маърӯзакунандагон дар байни донишҷӯён саволу ҷавоб баргузор гардид. Дар рафти маҳфил омӯзгори кафедра Чистяко В.И. ва мудири кафедраи фанҳои муолиҷавӣ Ҳоҷиев М. ҷавобҳои кӯтоҳи маърӯзакунандагонро пурра гардониданд. Дар охир н.и.т. мудири кафедраи фанҳои муолиҷавӣ Ҳоҷиев М. маҳфилро ҷамъбаст намуд.
ХАБАРНИГОРИ СОМОНА