Дар асоси нақша чорабиниҳои раёсати донишгоҳ бахшида ба таҷлили бошукуҳи “Наврӯзи байналмилалӣ -2018” дар кафедраи Морфология ва физиологияи одами Донишгоҳи давлатии тиббии Хатлон барои баланд бардоштани сатҳи зеҳнии донишҷӯён озмуни «Тайёр намудани кроссворд ва чайнворд» - анатомӣ баргузор гардид. Дар озмун донишҷӯёни 20 гурӯҳҳои академии бахшҳои якум ва дуюми ҳамаи факултетҳои донишгоҳ бо пешниҳоди кроссворд ва чайнворҳои ҷолиби диққат вобаста ба фанни анатомияи одам, иштирок намуданд.
Озмун аз тарафи комиссияи озмунӣ бо раисии ректори донишгоҳ, доктори илмҳои тиб, профессор Убайдулло Қурбон ҷамъбаст ва натиҷагирӣ карда шуд.
Ғолибони озмун ба чунин тартиб муқаррар гардиданд, донишҷӯёни гурӯҳи 106 факултети тиббӣ сазовори ҷойи якум, донишҷӯёни гурӯҳи 102 факултети стоматологӣ сазовори ҷойи дуюм ва дониҷӯёни гурӯҳҳои 105 факултети педиатрӣ ва 103 факултети тиббӣ сазовори ҷойи сеюм дониста шуданд.
Кафедраи морфология ва физиологияи одам
