Дар доираи иҷрои нақша-чорабинии донишгоҳӣ бахшида ба “Рӯзи Президенти Ҷумҳурии Тоҷикистон” аз ҷониби шуъбаи кор бо ҷавонон байни донишҷӯён мусобиқаи варзишии “Тенниси рӯйимизӣ” ташкил ва баргузор карда шуд.

Мусобиқа аз санаи 13-уми ноябри соли 2023 оғоз ёфта, донишҷӯёни ҳамаи курсҳои се факултет дар он ширкат варзиданд. Мусобиқа дар руҳияи худшиносиву ҳамдигарфаҳмӣ ва ифтихори миллӣ баргузор шуда, беҳтаринҳо ба даври ниҳоӣ роҳхат гирифтанд. Дар натиҷа Абдураҳмонов П. - донишҷӯи курси 3-юми факултети стоматологӣ ба гирифтани ҷои аввал, Усмонзода А. -донишҷӯи курси 2-юми факултети тиббӣ ба гирифтани ҷои дуюм ва Раҳимзода Б. -донишҷӯи курси 4-уми факултети тиббӣ ба гирифтани ҷои 3-юм сазовор гардиданд.

Шуъбаи кор бо ҷавонон.