Ҷиҳати шиносоӣ пайдо намудан аз фаъолияти хизматрасонии тиббӣ, рафти корҳои таъмирӣ ва тармими муассисаҳои тандурустӣ боздиди роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз муассисаҳои тандурустии шаҳру ноҳияҳои мамлакат идома дорад.
Бо ин мақсад 16 марти соли равон вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода рафти корҳои сохтмонии биноҳои Донишгоҳи давлатии тиббии Хатлонро дидан намуд.
Аснои боздид вазири тандурустӣ ва ҳифзи иҷтимоии аҳолии Ҷумҳурии Тоҷикистон ҷиҳати тақвият бахшидани корҳои ободониву созандагӣ, сабзу хуррамгардонии назди донишгоҳ, боз ҳам беҳтар намудани сатҳ ва сифати таълим дар донишгоҳ маслиҳатҳои муфид дод.