ҶАЛАСАИ ВАСЕИ ШӮРОИ ҲАМОҲАНГСОЗИИ ФАЪОЛИЯТИ МАҚОМОТИ ҲИФЗИ ҲУҚУҚ ДАР НОҲИЯИ ДАНҒАРА
25-уми майи соли 2023 дар Донишгоҳи давлатии Данғара ҷаласаи васеи Шӯрои ҳамоҳангсозии фаъолияти Мақомоти ҳифзи ҳуқуқи ноҳияи Данғара бо иштироки раиси ноҳияи Данғара муҳтарам Р.И.Хайриддин, прокурори ноҳия Қодирзода Н.Т., Сардори ШВКД дар ноҳияи Данғара Каримзода, Сардори КДАМ-и н. Данғара Қурбонов И.И., ректорони донишгоҳҳо, директорони муассисаиҳои таҳсилоти миёнаи умумӣ ва миёнаи касбӣ, роҳбарони мақомоту идораҳо баргузор гардид.
Аз Донишгоҳи давлатии тиббии Хатлон дар ҷаласаи мазкур муовини ректор оид ба тарбия ва фарҳанг Қурбонмамадов С.Х., мудири кафедраи фанҳои ҷомеашиносӣ Гулов А.А. ва 20-нафар донишҷӯи фаъоли курси панҷум иштирок карданд.
Дар ҷаласа сардорони мақомоти болозикр дар баробари дигар масъалаҳо, ҳамзамон оид ба терроризму экстремизм суханронӣ карда, қайд намуданд, ки яке аз роҳи асосии шомилшавии ҷавонон ба гурӯҳҳои ифротӣ тавассути шабакаҳои иҷтимоӣ мебошад. Бинобар ин, аз ҷавонон дархост гардид, шабакаҳои иҷтимоӣ ва интернетро танҳо барои ташаккули илму дониши хеш истифода намоянд. Ҷавонон бояд ҳушёрии сиёсиро аз даст надиҳанд ва дар ҳама ҷо исбот кунанд, ки фарзандони фарзонаи миллат мебшанд.
ХАБАРНИГОРИ СОМОНА
БАРГУЗОРИИ ЧОРАБИНИИ ФАРҲАНГӢ БАХШИДА БА “РӮЗИ ҶАВОНОНИ ТОҶИКИСТОН”
24-уми майи соли 2023 дар Донишгоҳи давлатии тиббии Хатлон бахшида ба “Рӯзи ҷавонони Тоҷикистон” чорабинии фарҳангӣ баргузор гардид.
Раиси Кумитаи кор бо ҷавонони ДДТХ Раҳимов Х. С. оид ба фаъолияти пурсамари омӯзгорони ҷавон ва донишҷӯён дар ДДТХ ва берун аз он маълумот дод.
Дар идомаи чорабинӣ ректори ДДТХ д.и.т., профессор Убайдулло Қурбон аҳли нишастро ба муносибати “Рӯзи ҷавонони Тоҷикистон” табрику таҳният намуданд.
Пас аз табрикот омӯзгорон, донишҷӯён ва кормандони фаъоли донишгоҳ аз ҷумла, ғолибони озмунҳо ва аъзои фаъоли дастаи ҳунарии “Дурахшон” бо Ифтихорномаи ректори Донишгоҳи давлатии тиббии Хатлон сарфароз гардонида шуданд.
Дар идомаи чорабинӣ аз ҷониби дастаи “Дурахшон” композитсияи адабӣ - мусиқӣ ба намоиш гузошта шуд.
Чорабинӣ аз қироати шеърҳо дар бораи ҷавонӣ, иҷрои сурудҳои дилнишин ва рақсҳои миллии тоҷикӣ иборат буд. Дастаи ҳунарии «Дурахшон»-и ДДТХ бо ҳунарнамоии хеш дилҳои ҳозиринро шод намуданд.
ХАБАРНИГОРИ СОМОНА
БА КИТОБХОНАИ ДДТХ КИТОБҲОИ НАВ ВОРИД ГАРДИДАНД
Яке аз вазифаҳои аввалиндараҷаи омӯзгорони донишгоҳҳои олӣ навиштани тезис, мақола, дастурҳои методӣ ва китобҳои илмӣ ба шумор меравад, ки омӯзгорони Донишгоҳи давлатии тиббии Хатлон дар ин самт саҳми назаррас доранд.
Ин навбат ба фонди китобхонаи ДДТХ дастури методӣ, монография ва китоби нави д.и.т., профессор Убайдулло Қурбон дар ҳаммуаллифӣ бо олимони шинохтаи соҳаи тиб таҳти унвони "Хирургическое лечение дефектов и рубцовых деформаций мягких покровов головы", “Варикозное расширение вен нижних конечностей” (учебно - методическое пособие), “Хирургическое лечение послеожоговых стягивающих рубцов шеи и грудной клетки” (монграфия), “Экстренная микрохирургия повреждений сосудисто - нервных конечностей”, китоби н.и.с., дотсент Аҳмадиён Ш.Р. бо номи “Хирург -перфекционист”, монографияи н.и.т. Ш. И. Холов - “Тактико - технические аспекты хирургического лечения гипоспадии” ва монографияи н.и.ф., дотсент Қурбонмамадов С.Х. - “Семантико-стилистические особенности поэтонимии “Шахнаме” Абулкасыма Фирдоуси” ворид гардиданд.
КИТОБХОНА
ҶАМЪБАСТИ ДАВРИ ДУЮМИ ОЗМУНИ “ИЛМ - ФУРӮҒИ МАЪРИФАТ” ДАР НОҲИЯИ ДАНҒАРА
18-уми майи соли 2023 дар ноҳияи Данғара даври дуюми озмуни ҷумҳуриявии “Илм - фурӯғи маърифат” баргузор гардид, ки дар он донишҷӯёни Донишгоҳи давлатии тиббии Хатлон фаъолона ширкат варзида, ҷойҳои намоёнро ба даст оварданд.
Дар номинатсияи “Математика” донишҷӯи курси панҷуми факултети педиатрӣ Ш. Бахтиёр, дар номинатсияи “Физика” донишҷӯи курси панҷуми факултети педиатрӣ Раҳимов Ф.А., дар номинатсияи “Ихтироъкорӣ ва навоварӣ” донишҷӯи курси дуюми факултети тиббӣ Рустамқулова Г. ва дар номинатсияи “Биология” донишҷӯи курси сеюми факултети тиббӣ Худойбердиев Ҳ.Ж. бо ҷойи якум сарфароз гардиданд.
Ҳамзамон, дар номинатсияи “Ихтироъкорӣ ва навоварӣ” ассистенти кафедраи фанҳои ҷарроҳии №1 Дадаҷонов Ҷ.Ю. ҷойи аввалро ба даст овард.
Донишҷӯи курси якуми факултети тиббӣ Тураев Н. ва донишҷӯи курси дуюми факултети педиатрӣ Набиев Ш.Ш. аз рӯйи номинатсияи “Математика”, донишҷӯёни курси якуми факултети стоматологӣ Ёрова Э. ва Пиров В. аз рӯи номинатсияи “Физика”, донишҷӯёни курси якуми факултети тиббӣ Раҳимов У.М. ва Худойқулов Б.Ш. аз рӯйи номинатсияи “Химия”, донишҷӯи курси якуми факултети педиатрӣ аз рӯи номинатсияи “Биология” ва донишҷӯи курси сеюми факултети тиббӣ Умаров А.А. аз рӯи номинатсияи “География” ҷойи дуюмро ишғол намуданд.
Ҷойи сеюмро дар номинатсияи “Математика” донишҷӯи курси якуми факултети тиббӣ Тоҷиев Ҳ., дар номинатсияи “Физика” донишҷӯи курси якуми факултети тиббӣ С.Ҳабибулло, дар номинатсияи “Технологияи иттилоотӣ” донишҷӯи курси шашуми факултети тиббӣ Юлдошев А., дар номинатсияи “Ихтироъкорӣ ва навоварӣ” донишҷӯёни курси дуюми факултети тиббӣ Ҳалимзода М. ва Ализода Г., дар номинатсияи “Химия” донишҷӯи курси якуми факултети педиатрӣ Шоқурбонов Э. ва донишҷӯи курси дуюми факултети тиббӣ Маҳмадҷонов А.А., дар номинатсияи “Биология” донишҷӯи курси якуми факултети тиббӣ Барфиева Г.Ш. ва донишҷӯи курси чоруми факултети педитарӣ Мирзоев Ш.Ҷ. ва дар номинатсияи “География” донишҷӯи курси якуми факултети тиббӣ Исмоилзода Б.М. ишғол намуданд.
Илова бар ин, ду нафар донишҷӯёни курси якуми факултети тиббӣ Шералиев З.С. ва Хуррамов О.Р. дар номинатсияҳои “Химия” ва “География” ҷойи ифтихориро ба даст оварданд.
Раёсати ДДТХ ғолибонро табрику таҳният намуда, барояшон дар оянда комёбиҳои бузургро таманно менамоянд.
МУОВИНАТИ ИЛМ ВА НАШРИЯ
16-17-уми майи соли ҷорӣ дар Донишгоҳи давлатии молия ва иқтисоди Тоҷикистон даври хотимавии олимпиадаи ҷумҳуриявӣ миёни донишҷӯёни муассисаҳои таҳсилоти олии касбии Ҷумҳурии Тоҷикистон таҳти унвони "Пояи давлат набошад бе маориф устувор" баргузор гардид.
Дар олимпиадаи имсола 400 нафар донишҷӯ аз 39 муассисаи таҳсилоти олии касбӣ иштирок намуда, аз рӯйи 14 фанни таълимӣ дар ду бахш-фанҳои гуманитарию иқтисодӣ-иҷтимоӣ ва табиию риёзӣ бо ҳам сабқат намуданд. Дар натиҷа 36 нафар сазовори ҷойҳои 1-ум, 2-юм ва 3-юм гардида, 4 нафар барои иштироки фаъолона сазовори “Ифтихорнома”-и Вазорати моариф ва илми Ҷумҳурии Тоҷикистон гардиданд.
Дар ин озмун, 11 нафар донишҷӯ аз Донишгоҳи давлатии тиббии Хатлонро аз рӯи 11 фанни таълимӣ - забон ва адабиёти тоҷик, забони русӣ, забони англисӣ, таърихи халқи тоҷик, фалсафа, физика, математика, информатика, химия, биология ва география иштирок карданд.
Рӯзи 17-уми май дар толори Донишгоҳи давлатии молия ва иқтисоди Тоҷикистон маросими ҷоизасупорӣ ба ғолибони даври ҷумҳуриявии олимпиадаи фаннӣ миёни донишҷӯёни муассисаҳои таҳсилоти олии касбии кишвар оғоз гардид, ки дар он вазири маориф ва илм Раҳим Саидзода, кормандони дастгоҳи марказии Вазорати маориф ва илм, ректорон ва муовинони ректорони муассисаҳои таҳсилоти олии касбӣ, устодону донишҷӯён иштирок намуданд.
Боиси хурсандист, ки дар ин олимпиада Абдуллоева.М. Ш.-донишҷӯи курси 3-юми факултети педиатрӣ аз фанни забони англисӣ ва Қурбонов А.Р.-донишҷӯи курси 1-уми факултети тиббӣ аз фанни таърихи халқи тоҷик сазовори ҷойи дуюм ва Ҷ. Қурбоналӣ-донишҷӯи курси6-уми факултети тиббӣ аз фанни физика сазовори ҷойи сеюм гардида, бо диплому медал ва туҳфаҳо қадрдонӣ гардиданд. Камолова М.В. - донишҷӯи курси 2-юми факултети тиббӣ бошад, аз рӯи натиҷаи холҳо дар ҷойи чорум қарор гирифта, бо Ифтихорномаи Вазорати маориф ва илми Ҷумҳурии Тоҷикистон сарфароз гардонида шуд.
Раёсати Донишгоҳи давлатии тиббии Хатлон ғолибони олимпиадаро табрику таҳният намуда, барояшон комёбиҳои беназир орзу менамоянд.
ДЕКАНАТ
БАРГУЗОРИИ “ХОНИШҲОИ СИЁСӢ ” ДАР ДДТХ
15-уми майи соли 2023 аз ҷониби Қурбонзода Т.Ҳ. муовини раиси филиали Иттифоқи ҷавонони Тоҷикистон дар вилояти Хатлон дар якҷоягӣ бо мудири шуъбаи кор бо ҷавонони ДДТХ дар Донишгоҳи давлатии тиббии Хатлон хонишҳои сиёсӣ баргузор гардид.
Дар хонишҳои сиёсӣ донишҷӯён ва омӯзгорони ДДТХ ширкат варзиданд.
Муовини раиси филиали Иттифоқи ҷавонони Тоҷикистон дар вилояти Хатлон Қурбонзода Т.Ҳ. оид ба кору пайкори Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дастовардҳои даврони истиқлол, бузургии ваҳдати миллӣ, сулҳу субот ва пос доштани муқаддасоти Тоҷикистони азиз суханронӣ намуд.
Дар анҷоми маҷлис омӯзгорон ва донишҷӯёни фаъол барои гузоштани саҳми муносиб дар татбиқи сиёсати давлатии ҷавонон, фаъолияти Иттифоқи ҷавонони Тоҷикистон ва ба ҳамин васила мусоидат намудан дар самти баланд бардоштани ҳуввияти миллӣ ва эҳсоси худшиносии ҷавонон бо Сипосномаи раиси филиали Иттифоқи ҷавонони Тоҷикистон дар вилояти Хатлон сарфароз гардонида шуданд.
ШУЪБАИ КОР БО
ҶАВОНОНИ ДДТХ
