English
Шуъбаи микроҷарроҳии реконструктивӣ ва пластикӣ дар н. Данғара
Шумо нуқсонҳои мавҷудаи узвҳои баданатонро бартараф кардан мехоҳед? Ва ё ба зебо гардонидани симои зоҳирии худ эҳтиёҷ доред?
Пас ба Шуъбаи микроҷарроҳии реконструктивӣ ва пластикӣ дар н. Данғара муроҷиат намоед!
Мутахассисони шуъба барои ниёзмандон амалиётҳои зерини ҷарроҳиро бо сифати баланд ва нархҳои дастрас анҷом медиҳанд:
- реплантатсия (пайвандсозии андомҳои кандашуда) ва реваскуляризатсияи (барқарор кардани хунгардиш) сегментҳои кандашудаи андомҳо;
- барқарор кардани бандакҳои рагу асабии буридашуда;
- нигоҳ доштани сегментҳои калон ҳангоми травмаи вазнини андомҳо;
- аутотрансплантатсияи бофтаҳо;
- гузоштани фистулаи артерио-венозӣ барои гузаронидани гемодиализ;
- остеосинтези усухонҳои калони андомҳо ҳангоми шикасти устухон дар якҷоягӣ бо осеби рагҳои хунгузар ва ғайра;
- аутотрансплантатсияи (аз як мавзеъ ба мазеи дигар кӯчонидан) комплекси бофтаҳо;
- барқарор кардани бандаки рагу асаби андомҳо ҳангоми осеби пештар гирифтаи онҳо;
- гузоштани анастомозҳои тестикуло-илеакалии варидӣ ҳангоми бемории варикоселе;
- траспозитсияи (ҷойивазкунии) мушакиву тендонӣ ҳангоми осеби кӯҳнашудаи асабҳои андомҳо;
- бартараф кардани контрактураи скарии пас аз сӯхтани андом бо усулҳои пластикаи мавзеӣ;
- амалиётҳои реконструктивӣ ҳангоми контрактураи ишемикии Фолкман;
- реконструксияи тендонҳову мушакҳо ҳангоми дефектҳои постравматикӣ;
- бартараф кардани ҳернияҳои вентралӣ бо технологияи абдоминопластика.
- бартарафсозии нуқсони модарзодӣ ба мисли каҷгарданӣ;
- сохтани гӯшҳо;
- ислоҳи лабчокии модарзодӣ;
- резексияи шохаи дарунии асаби ҳалқии болоӣ дар беморони диққи нафас (астмаи бронхиалӣ);
- уретропластика ҳангоми эпи ва намудҳои гуногуни гипоспадия;
- бартарафсозии деформатсияи модарзодии узви таносули мардона;
- барқарорсозии найчаи бачадон ҳангоми ҳамли дохилинайчагӣ;
- рафъи часпишҳои пурра ва нопурраи пӯсти байни ангуштон ҳангоми синдактилия;
- бурида гирифтани холҳои калон ва невусҳои пигментӣ ва ғ.
Амалиёти эстетикӣ – ин истифодабарии усулҳои ҷарроҳии пластикӣ бо мақсади беҳтарсозии симои зоҳирӣ ва чеҳраи инсон аст. Ин амалҳо ба мардум имкон медиҳанд, ки аз баъзе мушкилоти вобаста ба саломатии худ раҳо шаванд ва то ҳадде шакли дилхоҳи зоҳирии худро дарёфт намоянд ва аз намуди зоҳирии худ розӣ бошанд. Ҷарроҳии эстетикӣ дар худ фарогири чунин амалиётҳост:
- Ҷавонсозии рӯй (фейслифтинг) ҳангоми пайдоиши ожангҳои синну солӣ;
- лифтинги мавзеи пешона;
- пластикаи пилкҳо (блефаропластикаи болоӣ ва поёнии пилки чашмон;
- пластикаи пилкҳо ҳангоми деформатсияҳои скарӣ ва дефектҳои посттравматикӣ;
- пластикаи бинӣ (ринопластикаи кушода ва пушида);
- пластикаи сӯфраи гуш (отопластика);
- пластикаи лабҳо (хейлопластика);
- пластикаи манаҳ (ментопластика);
- пластикаи мавзеи гардан;
- пластикаи шикам (абдоминопластика, липосаксия);
- бурида гирифтани ташкилаҳои хушсифати бадан (гемангиома,
фиброма, липома ва атерома);
- хурду калонсозии ғадуди шир (маммопластика);
- сохтани ғадуди шир пас аз амали ҷарроҳии мастэктомия;
- амалиёти шинонидан ва боло бардоштани абрувон;
- амалиёти шинонидани (трансплантатсия) мӯйи сар ба шахсони тоссар.
Ғайр аз амалҳои микроҷарроҳии реконструктивӣ ва пластикӣ дар ШМҶРП ҳамчунин амалҳои ҷарроҳии умумӣ аз қабилӣ ҷоғар (зоб), тамоми намудҳои чурраи навзодон ва калонсолон, эхинококкэктомия ва амалҳои ҷарроҳӣ дар рагҳои хунгард бо истифода аз техникаи претсизионӣ (истифодаи асбобҳои микроҷарроҳӣ, маводҳои дӯхти нозук ва калонкунии оптикӣ) иҷро карда мешаванд.
Ба ниёзмандони ин гуна хизматрасониҳо ҳамарӯза аз рӯзи душанбе то ҷумъа аз соати 16:00 то 17:30 ва рӯзи шанбе аз соати 09:00 то соати 12:00 аз тарафи доктори илмҳои тиб, узви вобастаи Академияи илмҳои тибби Ҷумҳурии Тоҷикистон, профессор Убайдулло Қурбон муоина ва маслиҳатҳои тиббии ройгон дода мешавад.
Барои донишҷӯёни ниёзманди ДДТТ ба номи Абӯалӣ ибни Сино ва донишгоҳи давлатии тиббии Хатлон имтиёзҳо пешбинӣ шудаанд.
АЗ ИМКОНИЯТҲОИ ШУЪБАИ МИКРОҶАРРОҲИИ РЕКОНСТРУКТИВӢ ВА ПЛАСТИКӢ САРИ ВАҚТ ИСТИФОДА БАРЕД!
Суроға: 734003; шаҳри Душанбе, шаҳраки тиббӣ, кӯчаи Санои 33.
Маркази Ҷумҳуриявии илмии ҷарроҳии дилу раг. Ошёнаи дуюм.
Шуъбаи микроҷарроҳии реконструктивӣ ва пластикӣ.
Телефонҳо барои тамос: 907-71-51-21; 907-76-92-29; 935-27-20-23.
Почтаи электронӣ: This email address is being protected from spambots. You need JavaScript enabled to view it.
БЕҲТАРИН ДАСТПАРВАРОНИ МАКТАБИ ПРЕЗИДЕНТИИ НОХИЯИ ДАНҒАРА БА ДДТХ ДОХИЛ ШУДАНД
Соҳаи маориф, ки аз ҷониби Ҳукумати Ҷумҳурии Тоҷикистон ба сифати самти афзалиятноки сиёсати пешгирифта эътироф шудааст, ҳамеша дар маркази диққат қарор дошта, ҷиҳати таъмини рушди бемайлони он бо ибтикори Пешвои миллат, Асосгузори сулҳу ваҳдати миллӣ, Президенти Ҷумҳурии Тоҷикистон Эмомалӣ РАҲМОН иқдомоти зиёде ба сомон расидаанд. Яке аз роҳҳои вусъат бахшидани фаъолияти ин бахши муҳими ҷомеа бунёди мактабҳои замонавӣ дар сартосари кишвар маҳсуб меёбад, зеро ин омил чун такони ҷиддӣ ба тавсеаи самтҳои гуногуни хоҷагии халқ боис мешавад.
Яке аз чунин таълимгоҳҳо муассисаи таълимии давлатии Мактаби Президентӣ барои кӯдакони болаёқат дар ноҳияи Данғараи вилояти Хатлон мебошад. Дар ҳақиқат, аз соли 2012 то инҷониб муассисаи таълимии номбурда хонандагони болаёқатро тарбия менамояд. Тавре маълум гардид, дар таълимгоҳ хонандагон бо се вақт хӯроки гарм таъмин карда шуда, меъёр ва сифати хӯрокаи хонандагон зери назорати қатъии маъмурияти мактаб қарор дорад. Машғулиятҳои асосӣ дар як баст аз рӯйи ҷадвали дарсӣ гузаронида, дар басти дуюм бошад, дарсҳои иловагӣ аз рӯйи ҷадвали тасдиқшуда, гузаронида мешавад. Оид ба ҳамаи фанҳои таълимӣ барои ҳар як омӯзгор маҳфилҳо ташкил карда шудааст. Маҳфилҳо ҳар рӯз дар асоси ҷадвал аз соати 1930 то 2030 гузаронида мешаванд. Дар семоҳаи соли ҷорӣ шогирдони мактаб дар озмунҳои вилоятӣ иштирок намуда, шаш нафар соҳиби медали тилло, ҳашт нафар медали нуқра, бисту се нафар соҳиби медали биринҷӣ гардида, як нафар ҷойи ифтихориро ишғол намудааст. Ногуфта намонад, ки алҳол, хонандагон дар озмунҳои ҷумҳуриявӣ фаъолона иштирок намуда, ҳафт ҷойи ифтихорӣ низ ба даст овардаанд. Гуфтаҳои боло аз он шаҳодат медиҳанд, ки омӯзгорони ин даргоҳ соҳиби дониши баланд мебошанд. Аз шумораи 90 нафар хатмкунандагони мактаб, 38 нафар ба мактабҳои олии хориҷи кишвар ва 52 нафар ба макотиби олии кишвар дохил шудаанд. Заминаи моддӣ - техникиии ин муассиса дар сатҳи хуб қарор дошта, аз ҷумла, мактаб дорои 23 синфхонаи таълимӣ, 2 кабинети лингафонӣ, 2 кабинети технологияи иттилоотӣ, кабинетҳои математика, физика, химия, биология, география, китобхона ва толори китобхонӣ мебошад. Дар соли 2015-ум бошад, боз 3 синфхонаи забону адабиёти тоҷик, 2 синфхонаи математика ва 1 синфхонаи химия кушода шуда, бо ҷиҳозҳои таълимии замонавӣ муҷаҳҳаз гардонида шудааст.
Лозим ба қайд аст, ки соли равон Раёсати Донишгоҳи давлатии тиббии Хатлонро имконият пайдо шуд, ки бо ҳайати омӯзгорони мактаби Президентӣ барои кӯдакони болаёқат шинос гарданд. Бо кӯмаку дастгириҳои директори муассисаи таълимии номбурда Абдуллоев Қ., Донишгоҳи давлатии тиббии Хатлон тавонист имтиҳоноти нахустини дохилшавии довталабонро, ки рӯзҳои 02 –юми май ва 07 – уми майи соли ҷорӣ баргузор гардида буд, бомуваффаққият гузаронад. Боиси тазаккур аст, ки 16 нафар аз хатмкунандагони мактаби мазкур ба ДДТХ ҳуҷҷат супорида, аз ин 12 нафарашон имтиҳонҳои қабулро бо натиҷаҳои баланд ҷамъбаст намуда, сазовори номи донишҷӯи ДДТХ шудаанд. Чунончӣ, Қаюмов Сино аз имтиҳони тестӣ бо гирифтани 161 хол ва Ҷобири Қурбоналӣ 147 хол натиҷаҳои беҳтарин нишон доданд.
Зимнан, маълум менамоем, ки дастпарварони ин мактаб, Ҷ. Қурбоналӣ ва Қаюмов С. иштирокчии фаъоли олимпиадаҳои вилоятӣ ва ҷумҳуриявӣ дар солҳои 2015 ва 2016 буда, соҳиби медалҳои тилло аз фанҳои физика ва химия мебошанд.
Албатта, ба чунин дастовардҳои назаррас ноил шудани мактаби Президентӣ заҳматҳои шабонарӯзии омӯзгорони ин муассисаи таълимӣ мебошанд. Аз ин лихоз, Раёсати ДДТХ ба роҳбарият ва муҳасилини мактаби Президентӣ барои кӯмаку ҳамкориҳояшон ва тайёр намудани хонандагони болаёқат изҳори миннатдорӣ менамояд. Умедворем, ки натиҷаҳои назаррасӣ фаъолияти мактаби Президентӣ дар ноҳияи Данғара дар дигар мактабҳои таҳсилоти миёнаи умумӣ ҷорӣ гашта, барои омода намудани довталабони болаёқат барои ДДТХ дар оянда замина мегузоранд.
Саидова М. – мутахассиси шуъбаи таҳлил,
назорат ва робита бо ҷомеа
Конгресси байналмиллалии EUROMEDICA- 2016
Иштироки сардори шуъбаи таълими ДДТХ, дотсент
Кузибоева Н.К. дар Конгресси байналмиллалии EUROMEDICA- 2016, шаҳри Ганновер, Ҷумҳурии Федералии Олмон
Ҳамасола Конгресси байналмилалии EUROMEDICA дар шаҳри Ганновери Ҷумҳурии Федералии Олмон дар мавзуҳои мухталифи соҳаи тиб, аз ҷумла дир мавзуъҳои роҳҳои баланд бардоштани сатҳи маърифатнокии табибони чаҳон гузаронида мешавад, ки дар он табибони зиёд аз кишварҳои ҷаҳон ширкат меварзанд. Конгресс рузи 24 майи соли равон оғоз шуда то санаи 29 май давом ёфт. Кушодашавии конгрес бо чаласаи пленарӣ огоз гардида, пас аз он чаласахои сексионӣ, мастер классҳо, ва бо гузаронидани мактабхои такмили ихтисос ва семинарҳо кори худро идома дод. Чаласаҳои сексионӣ аз рӯйи ихтисосҳо тақсим шуда, ҳамагӣ дар кори конгресс 150 нафар профессорону номзадони илми тиб ширкат варзида, доир ба мавзӯъҳои гунонгуи тиб ва дастовардҳои муосири соҳа маърузаҳо намуданд. Инчунин, бояд қайд намуд, ки дар доираи кори конгрес профессорони Донишгоҳи тиббии Берлин ва Академияи Аврупоии илми тиб дар мавзуъҳои актуалии илми тиби муосир барои ҳозирин лексияҳо доир намуданд. Дотсенти Донишгоҳи давлатии тибби Хатлон дар мавзӯи “Структура инфицированности внутриутробными инфекциями у детей раннего возраста с врожденными пороками сердца” бо маърузаи ҷолиб баромад намуд.
Дар ҷамъбасти кори конгресс, маърузачиёни беҳтарин бо медалу дипломҳои конгрес мукофотонида шуданд. Аз ҷумла барои маърӯзаи беҳтарин дар соҳаи педиатрия, дотсент Қузибоева Н. низ бо медали Александр Вон Гамбольт, диплом ва сертификат мукофотонида щуд.
Роҳбарияти Донишгоҳ муваффақиятҳои кормандони донишгоҳро, ки обрӯ ва нуфузи Ҷумҳурии Тоҷикистон ва Донишгоҳро дар сатҳи байналмилалӣ муаррифӣ менамоянд пазироӣ намуда, ҷиҳати тавсеа бахшидани ширкати кормандон ва донишҷӯёнро дар ин самт ҳамеша дастгирӣ хоҳад намуд.
Шуъбаи таҳлил, назорат
ва робита бо ҷомеа
Имтиҳонҳои қабули довталабон ба ДДТХ анҷом ёфт
Аз 01.04.2016 то 30.04.2016 ба комиссияи қабул ҳамагӣ 1633 нафар ҳуҷҷат супорид, ки дар маҷмуъ нисбат ба шумораи ҷойҳои тибқи нақша ҷудогардида 4,5 маротиба зиёд буда, инчунин дар таносуби ҷойҳои буҷавӣ, махсусан дар факултети тиббӣ теъдоди доталабон 10:1 - ро ташкил медод. Маълум менамоем, ки аз миқдори умумӣ - 1097 нафар (67, 2% ) ба таври буҷавӣ ва 536 нафар (32, 8%) ба тариқи шартномавӣ ҳуҷҷат супоридааст.
Аз шумораи умумӣ довталабон - 1146 нафар (70,2%) аз вилояти Хатлон, аз вилояти Суғд -188 нафар (11,5%), аз вилояти ВКМБ - 10 нафар (0,6%), НТҶ - 137 нафар (8,4%) ва аз шаҳри Душанбе - 152 нафар ё худ 9, 3% - ро ташкил медиҳад.
Зимнан тибқи қарори Раёсати донишгоҳ аз 220 холи максималии саволҳои тестӣ, холи гузариш ба имтиҳони дуюм аз 60 хол ва зиёда аз он муқаррар гардида буд.
Имтиҳони тестӣ рўзи 02 – юми майи соли равон дар мактаби Президентии н.Данғара баргузор шуд, ки аз 1633 нафар довтаб ба имтиҳон 1540 нафар ё худ 94, 3% ҳозир шуд. Теъдоди ҳозирнашудагон бошад 93 нафарро ташкил медод. Аз шумораи нафарони имтиҳонсупорида 519 нафар (33%) соҳиби аз 60 хол ва зиёда аз он гаштанд, ки барои иштирок ба даври дуюми имтиҳон иҷозат дода шуданд. Даври дуюми имтиҳони хаттӣ рўзи 07 – юми майи соли ҷорӣ доир гашт, ки аз 519 нафари ба имтиҳон роҳёфта, 476 нафар (91,7%) дар имтиҳон иштирок намуд. Теъдоди довталабон нокомгашта аз кори хаттӣ 42 нафарро ташкил дод.
Мутобиқи Қоидаҳои қабул, санаҳои 4 – ум ва 8 - уми майи соли 2016 Комиссияи апеллятсионӣ вобаста ба натиҷаи имтиҳонҳои тестӣ ва кори хаттӣ фаъолият намуда, аризаи 42 нафар довталабонро дар ҳузури волидайнашон баррасӣ намуд. Дар натиҷа дар 2 ҳолат ба холҳои гирифтаи довталабон ба миқдори 3 хол зиёд карда шуд.
Натиҷаи ҷамъбастии имтиҳонҳо дар соли таҳсили 2016-2017 маълум намуд, ки 352 нафар довталаб (150 нафар ба тариқи буҷавӣ ва 202 нафар ба тариқи шартномавӣ) ҳуқуқи ба донишгоҳ қабул шуданро пайдо намуданд. Аз ин теъдод - 72,5 - ро аз вилояти Хатлон, - 14,2% аз вилояти Суғд, - 0,6% аз вилояти ВМКБ, - 6,8% аз ноҳияҳои тобеъи ҷумҳурӣ ва - 5,9% аз шаҳри Душанбе ташкил медиҳад.
Раёсати Донишгоҳи давлатии тиббии Хатлон довталабони комёбгаштаро табрику таҳният гуфта, дар оғози соли нави хониш барояшон бурдбори ва дастовардҳои нав ба навро орзуманд аст.
Вақте ки шаффофият меъёри санҷиш қарор дорад…
Чуноне ки ба ҳамагон маълум аст, Донишгоҳи давлатии тиббии Хатлон, ки бо супориши Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъсис ёфт, аз аввали моҳи марти соли 2016 ба фаъолият шуруъ намуд.
Тавре ки Сарвари давлат дар Паёми имсола таъкид намуданд, то ҳанўз нарасидани мутахассисони соҳаи тиб дар як қатор шаҳру ноҳияҳои мамлакат ба мушоҳида мерасад. Вазъи таъминот бо кадрҳои тиббӣ, хусусан, дар вилояти Хатлон нигаронкунанда аст. Дар ин вилоят, ки аҳолиаш беш аз 3 миллион нафарро ташкил медиҳад, ба 10 ҳазор нафар аҳолӣ 11,3 нафар табиб рост меояд, ки дар муқоиса бо дигар вилояту шаҳрҳои кишварамон нишондиҳандаи хеле паст мебошад.
Ҳамин тавр, бо назардошти афзоиши аҳолии мамлакат ва қонеъ намудани талаботи кишвар ба мутахассисони соҳаи тиб, боз як муассисаи таҳсилоти олии касбии тиббӣ дар вилояти Хатлон таъсис дода шуд.
Ин боварии сарвари давлатро Донишгоҳи давлатии тиббии Хатлон бомасъулият ба уҳда гирифта, бо истифода аз таҷрибаи васеи кормандон, барои омода намудани мутахассисони сатҳи олии соҳаи тибби кишвар, талош меварзад.
Бо мақсади ба таҳсил фаро гирифтани ҷавонони нисбатан қобилиятноку соҳибистеъдод Комиссияи қабули довталабон ба Донишгоҳи давлатии тиббии Хатлон фаъолияти худро аз авали моҳи апрели соли ҷорӣ оғоз намуд. Лозим ба қайд аст, ки ҳамагӣ ба факултетҳои донишгоҳ 1633 нафар довталаб аз тамоми гушаю канори ватани азизамон ҳуҷҷат супорида, рўзҳои 2 – юм ва 7 – уми майи соли 2016 имтиҳони қабул бо муваффақият доир гардид.
Инак, имтиҳоноти қабул паси сар гаштанд нахустин донишҷўёни Донишгоҳи давлатии тиббии Хатлон бо теъдоди 352 нафар ташнагони илму маърифат ба курси аввали донишҷўёни Донишгоҳи давлатии тиббии Хатлон шомил шуданд. Суҳбатҳои зиёде, ки дар рўзҳои натиҷагирии имтиҳонҳои қабул мо бо довталабон анҷом додем, далели он аст, ки имтиҳоноти нахустин ва ҳатто таърихӣ, дар сатҳи баланд анҷом пазируфта, беҳтарин довталабон тавассути дониши қавӣ ва омодагиҳои пурраи хеш ба мақсад расиданд. Ва ин ҷо месазад, ки исми бархе аз онҳоро ба хонандагон маълум намоем:
- Қаюмов Сино – дастпарвари мактаби Президентӣ барои хонандагони болаёқат дар ноҳияи Данғара, истиқоматкунандаи ноҳияи Ҷалолиддини Балхӣ ба факултети тиббӣ ҳуҷҷат супорида, соҳиби 161 хол гардидааст;
- Галиев Меҳроҷиддин - дастпарвари Литсей интернати физикӣ – математикии «Орёно» ш. Қурғонтеппа, истиқоматкунандаи н. Дўстӣ ба факултети тиббӣ ҳуҷҷат супорида, соҳиби 158 хол гардидааст;
- Ҷобири Қурбоналӣ - дастпарвари мактаби Президентӣ дар н. Данғара, истиқоматкунандаи ноҳияи Муъминобод ба факултети тиббӣ ҳуҷҷат супорида, соҳиби 157 хол гардидааст;
- Нарзуллоев Шамсиддин – дастпарвари гимназияи №2 н. Деваштиҷ, истиқоматкунандаи Зафаробод ба факултети тиббӣ ҳуҷҷат супорида, соҳиби 153 гардидааст:
- Хоҷаназаров Давлатбек – дастпарвари муассисаи таҳсилоти миёнаи умумии №4, н. Ҳисор, истиқоматкунандаи ноҳияи Хисор ба факултети педиатрӣ ҳуҷҷат супорида, соҳиби 152 хол гардидааст;
- Нуров Маъруфҷон - дастпарвари Литсейи давлатии №1 н. Ёвон, истиқоматкунандаи н. Ёвон ба факултети тибби ҳуҷҷат супорида, соҳиби 145 хол гардидааст:
- Туробова Зарина - дастпарвари муассисаи таҳсилоти миёнаи умумии №5, ш. Қайроқум, истиқоматкунандаи ш. Қайроқум ба факултети педиатрӣ ҳуҷҷат супорида, соҳиби 144 хол гардидааст:
- Ҳафизов Фаррух – дастпарвари мактаби Президентӣ барои хонандагони болаёқат дар н. Данғара, истиқоматкунандаи н. Данғара ба факултети тиббӣ ҳуҷҷат супорида, соҳиби 137 хол гардидааст.
- Самадов Саддамҷон – дастпарвари муассисаи таҳсилоти миёнаи умумии №33 н. Восеъ, истиқоматкунандаи н. Восеъ ба факултети педиатрӣ ҳуҷҷат супорида, соҳиби 130 хол гардидааст:
- Алиев Алиҷон – дастпарвари муассисаи таҳсилоти миёнаи умумии №30 ш. Душанбе, истиқоматкунандаи н. Шўрообод ба факултети стоматологӣ ҳуҷҷат супорида соҳиби 128 хол гардидааст.
Пас аз маълум гардидани натиҷаи имтиҳонот довталабони зиёде бо як эҳсосоти наҷиб ҳисси қаноатмандии хешро аз натиҷаҳои имтиҳоноти қабул ба кормандони Комиссияи қабул ва роҳбарияти донишгоҳ иброз медоштанд. Дар навбати худ, Раёсати донишгоҳ ҳамаи онҳоеро, ки имсол ҳамчун аввалин донишҷўён ба курси якум ба Донишгоҳи даввлатии тиббии Хатлон дохил шудаанд табрику муборакбод намуда, хоҳони он аст, ки дар шоҳроҳи мушкил, вале пуршарафи илмомўзӣ ҳамеша муваффақ бошанду бо хониши аълою интизоми намунавӣ дар баланд бардоштани мақому манзалати Донишгоҳи навтаъсиси тиббии Хатлон саҳми босазои худро гузоранд.
Раёсати ДДТХ
Суратҳисоби бонкӣ
Суратҳисоби бонкии Донишгоҳи давлатии тиббии Хатлон барои қабули маблағҳои шартномавӣ тасдиқ гардид
ҲИСОБИ МАХСУСИ РАЁСАТИ МОЛИЯИ н.ДАНҒАРА
АМОНАТБОНК ДАНҒАРА №59
р/с 20204972600034359000
к/с 20402972316264
БИК 350101626
Маблағи пардохти таҳсил барои як сол вобаста ба факултет:
ТИББӢ – 7700 ПЕДИАТРӢ – 6160 СТОМАТОЛОГӢ – 8690
Бо мақсади ба анҷом расонидани фаъолияти комиссияи қабули ДДТХ дар соли таҳсили 2016-2017 ва таҳия намудани фармонҳои қабул ба сафи донишҷӯён аз довталабоне, ки дар гуруҳҳои шартномавӣ номнавис шудаанд дархост карда меешавад, ки то санаи 30.05.2016 маблағи таҳсилро ба суратҳисоби ДДТХ пардохт намоянд.
