Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

    Имрӯз яке аз олимони маъруфи соҳаи тандурустии Ҷумҳурии Тоҷикистон Абдураҳмонов Фозил  90 - сола мешаванд.

     Ҳамагон хуб медонанд, ки саҳми Абдураҳмонов Ф.  дар таълим, тарбия ва ба камол расонидани шогирдони сершумор бениҳоят бузург аст. ӯ дар тӯли умри пурбаракати хеш қуллаҳои нав ба нави илмро фатҳ намуда, то дараҷаи доктори илм, профессор  расидааст.

     Фаъолияти ин марди хирад дар соҳаи  таълим ва тарбияи кадрҳои ҷавони тиббӣ чашмрас аст, ки нафъи он ба рушду густариши тиб, илму маориф ва сиёсати иҷтимоиву фарҳангии ҷомеаи навини мо равона гардидааст.

    Унвонҳои илмию мукофотҳои давлатии устод шаҳодати заҳмати зиёди ӯ дар соҳаи рушду такомули илми тиб, тарбияи ворисони бузурги Сино шуда метавонанд. Номбурда анатом, доктори илми тиб (1968), проф. (1969), узви ҳақиқии Академияи илмҳои педагогӣ ва иҷтимоии ФР (2004), Аълочии мактаби олии ИҶШС, Аълочии тандурустии ИҶШС, Ходими шоистаи илм ва техникаи ҶТ (1994) мебошанд.

   Абдураҳмонов Фозил 5 - уми майи соли 1930 дар шаҳри Конибодоми вилояти Суғд чашм ба олами ҳастӣ кушодааст. Давраи наврасиаш ба солҳои душвори Ҷанги Бузурги Ватанӣ рост омад. Ба сахтиҳои рӯзгор нигоҳ накарда, Абдураҳмонов Фозил соли 1952 факултаи муолиҷавии ДДТТ - ро хатм карда, солҳои 1952 - 55 дар кафедраи анатомияи эътидолии одами Донишкадаи тиббии 2 - юми Москва ба номи И.В. Сталин (ҳоло Донишгоҳи тиббии Москва ба номи Н.И. Пирогов) ҳамчун аспирант таҳсил намудааст. Солҳои 1955 – 57 муаллими калони факултаи тарбияи ҷисмонии ДДОД ва солҳои 1957 - 1962 вазифаи Директори Омӯзишгоҳи тиббии шаҳри Душанбе (ҳоло коллеҷ) ба уҳда доштааст. Муддати 6 сол ҳамчун декани факултаҳои педиатрӣ ва стоматологӣ (1963 - 67, 1968 - 69) ва солҳои 1968 - 94 ба ҳайси мудири кафедраи анатомияи эътидолии одами факултаҳои педиатрӣ ва фармакологӣ фаъолият доштааст. Солҳои 1994 – 2006 мудири кафедраи муттаҳидаи анатомияи одами ДДТТ таъин гардида, аз соли 2006 дар кафедраи мазкур ҳамчун  профессор ифои вазифа карда истодааст.

    Доир ба масоили таъмини хуни бахшҳои ҷудогонаи мағзи сар, ғадудҳои тарашӯҳи дохилӣ ва морфологияи рагҳои хурди хуну лимфагарди узви бофтаҳои одам дар ҳолати муътадил ва беморӣ (перитонит, илтиҳоби гурда, сиррози ҷигар, ғалаёни хун ва ғайра), ҳамчунин дар шароити таҷриба дар водиҳо ва баландкӯҳҳо (ағбаҳои Анзоб ва Мурғоб) тадқиқот бурдааст. Дар мавзӯи «Сохтори макро - ва микроскопии рагҳои хунгарди узвҳои ҷавфи шикам дар ҳолати муътадил, ноқисӣ ва таҷриба дар шароити водӣ ва баландкӯҳ» рисолаи докторӣ дифоъ намудааст. Муаллифи зиёда аз 170 асару мақолаҳои илмӣ ва таълимию методӣ мебошанд. Китоби ин олими варзида - «Анатомияи одам» (ду ҷилд) дар Озмуни китобҳои дарсӣ сазовори мукофоти «Оли Сомон» (1995) гашта, соли 1998 китоби беҳтарини сол шуморида шуд.

    Таҳти роҳбарии ӯ 7 нафар рисолаи номзадӣ ва 2 нафар рисолаи докторӣ дифоъ намудаанд.

   Раиси Ассотсиатсияи морфологҳои Ҷумҳурии Тоҷикистон, ҷонишини раиси Шӯрои ҳамоҳангсозии давлатҳои Осиёи Марказӣ, узви Шӯрои ҳамоҳангсозии Ассотсиатсияи морфологҳои ИДМ.

   Бо Ордени Байрақи Сурхи Меҳнат, 7 медал ва Ифтихорномаи Шӯрои Олиии Ҷумҳурии Тоҷикистон мукофотонида шудааст.

  Раёсат, ҳайати профессорону устодон ва кули шогирдону кормандони Донишгоҳи давлатии тиббии Хатлон  соҳибҷашнро  ба ифтихори ин рӯзи фархунда,  самимона табрику таҳният менамоянд.

Ҷашни 90 - солагӣ муборак, устоди азиз!

     Моҳи  ноябри соли равон тибқи нақшаи кории шӯрои занон ва духтарон маҳфили “Олиҳаи тиб” доир гардид. Дар маҳфил муовини ректор оид ба таълим Аҳмадов Ш.Р., муовини ректор оид ба тарбия ва фарҳанг Қурбонмамадов С.Х., муовини ректор оид ба хоҷагӣ ва маъмурӣ Аҳадов Ш.Ф.,  мудири кафедраи забонҳо Одинаев С.П.  ва омӯзгорони кафедраҳо  иштирок намуданд.

    Донишҷӯи курси 5 факултети педиатрӣ - Ҳафизова З., донишҷӯи курси  5 факултети тиббӣ - Мунисаи Д.,  донишҷӯёни курси 4 факултети педиатрӣ - Азизмамадова О., Шоимардонова Т., донишҷӯи курси 4 факултети тиббӣ - Давлатова Н. донишҷӯи курси 1 факултети стоматологӣ - Икромова Т.  ва донишҷӯи курси 1 факултети педиатрӣ - Азимова С.  ҳунарҳои дастии худро ба намоиш гузоштанд.                         Маҳфили мазкурро раиси занон ва духтарони донишгоҳ Саидова М.Р. ифтитоҳ намуд. Номбурда қайд кард, ки шӯрои занон яке аз ташкилотҳои ҷамъиятӣ дар сохтори донишгоҳ мебошад.  Ташкилоти мазкур кӯшиш менамояд, ки дар ҳаёти таълимию ҷамъиятии донишгоҳ нақши босазо дошта, духтаронро барои иштироки фаъол дар корҳои ҷамъиятӣ, самарабахш намудани корҳои тарбиявӣ дар байни донишҷӯён ва дар омодагӣ ба ҷашнҳои миллӣ ҷалб  намояд.

    Сипас, муовини ректор оид ба таълим н.и.с., Аҳмадов Ш.Р. сухан карда, қайд намуд, ки тамоми донишҷӯёну кормандони донишгоҳ  бояд зебопараст бошанд ва барои боз ҳам ободу зебо намудани донишгоҳ  саҳми арзандаи худро гузоранд.

Мақсад аз баргзории маҳфили мазкур ҷамъ намудани маводи ҳунарҳои миллии мардумӣ  бахшида ба “Соли рушди  деҳот, сайёҳӣ ва ҳунарҳои мардумӣ” мебошад. Гуфтан ба маврид аст, ки донишҷӯдухтарон ҳунарҳои худро маҳз тавассути маҳфили “Олиҳаи тиб” сайқал дода,  дар оянда дар баробари касби табибӣ дорои ҳунарҳои гуногун мегарданд.

Шӯрои занон ва духтарони ДДТХ пайваста кӯшиш менамояд, ки дар маҳфили “Олиҳаи тиб” завқи зебоипарастии донишҷӯёнро боз ҳам баланд бардошта, ба ҳунарҳои мардумӣ таваҷҷуҳи ҷиддӣ зоҳир намояд. 

                                                                                            

                                                                                              ШӮРОИ ЗАНОН ВА

ДУХТАРОНИ ДДТХ

27 ноябри соли равон 68 - умин конференсияи солонаи байналмилалии илмӣ - амалии Муассисаи давлатии таълимии «Донишгоҳи давлатии тиббии Тоҷикистон ба номи Абӯалӣ ибни Сино» дар мавзӯи «Заминаҳои бунёдии рушди инноватсионии илм ва таълим» бахшида ба эълон гардидани солҳои 2019 - 2021 «Солҳои рушди деҳот, сайёҳӣ ва ҳунарҳои мардумӣ» доир гардид.

Дар ҷаласаи пленарии конференсия бо сухани табрикотӣ ва ифтитоҳӣ вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода, ректори Муассисаи давлатии таълимии “Донишгоҳи давлатии тиббии Тоҷикистон ба номи Абӯалӣ ибни Сино” Маҳмадшоҳ Гулзода, Президенти Академияи миллии илмҳои Ҷумҳурии Тоҷикистон Фарҳод Раҳимӣ, муовини вазири маориф ва илми Ҷумҳурии Тоқикистон Диловар Қодирзода ва дигар олимони ватаниву хориҷӣ баромад карданд.

          Ҳамзамон, дар кори конференсия меҳмонон аз кишварҳои Федератсияи Россия, Қазоқистон, Ӯзбекистон, Қирғизистон, Белорусия, Германия, Озарбойҷон, Украина ва ИМА ба тариқи онлайн ширкат варзиданд.

     Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода зимни суханронии хеш баргузории Конференсияи илмӣ - амалии мазкурро дар солҳои охир як навъ ҷамъбасти фаъолияти илмии олимон ва донишмандони соҳаи тандурустии мамлакат арзёбӣ намуда, иброз дошт, ки Вазорати тандурустӣ ва ҳифзи иҷтимоии аҳолии Ҷумҳурии Тоҷикистон низ ба натиҷагирии он ҳамчун василаи асосии дарёфти роҳу усулҳои нави табобат ва пешгирии бемориҳои нав ва беҳтар намудани вазъи солимии аҳолӣ диққат ва эътибори махсус медиҳад.

          “Бояд эътироф кард, ки Донишгоҳи давлатии тиббии Тоҷикистон ба номи Абӯалӣ ибни Сино солҳои охир таҳаввулоту дигаргуниҳои зиёдеро паси сар кард, ки мақсад аз онҳо боз ҳам беҳтар намудани шароити кору таҳсил, потенсиали кадрии донишгоҳ ва ба стандартҳои байналмилалӣ мувофиқ гардонидани низоми таҳсилот мебошад” - афзуд номбурда.

            Дар ин конференсияи мазкур аз Донишгоҳи давлатии тиббии Хатлон ассистенти кафедра педиатрия Музаффаров Дилшод Баҳромович дар сексияи “Бемориҳои кӯдакона ва бемориҳои сироятии кӯдакона”  иштирок кард. Дар сексияи номбурда 15 маърӯза шунида шуд, ки яке аз он маърӯзаи  Музаффаров Д.Б. дар  мавзӯъи “О некоторых факторах риска формирования речевой патологии у детей дошкольного возраста” буд.   

      Ҳамзамон, дар конференсия дастовардҳои олимони маъруфи Тоҷикистон ва олимони шинохтаи кишварҳои ҳориҷӣ ба доираи васеи иштирокчиён пешниҳод гардида, масоили тадқиқоти фундаменталӣ ва амалӣ дар тиб, дастовардҳои соҳаҳои мухталифи илми тиб, технологияи муосиру инноватсионӣ дар тибби назарӣ ва клиникӣ, татбиқи дастовардҳои навини илмӣ дар раванди таҳсилоти олии тиббӣ баррасӣ карда шуданд.

       Мавзӯъҳои мубрами банақшагирифта дар ҷаласаи пленарӣ, ҷаласаҳои сексияҳои равиявӣ, симпозиумҳои «ВНМО/БПНМ ва масъалаҳои мубрами микробиология, иммунология ва вирусология», физиологияи нормалӣ» мавриди таҳлилу баррасӣ қарор дода шуданд.

Ҳамин тавр, дар кори конференсия 188 маърӯзаи илмии олимон баррасӣ гардиданд, ки аз он 71 маърӯза аз олимони кишварҳои хориҷии дуру наздик ворид шудааст. 

       Маводи конференсияи мазкур дар се ҷилд ба табъ расидаанд, ки аз 1107 мақолаи илмӣ, 310 мақолаи он аз олимони кишварҳои хориҷӣ мебошанд.

         Бояд қайд кард, ки аз ҷониби устодон ва донишҷӯёни Донишгоҳи давлатии тибббии Хатлон дар конференсияи мазкур 29 мақолаи илмӣ ворид гардида буд.

         Дар хотимаи конференсия Резолютсия қабул карда шуд, ки он барои ворид намудани дастовардҳои олимони ҷаҳонӣ ва ватанӣ ба амалияи илми тиб, пешрафти соҳаи тандурустӣ ва солимгардонии ҷомеа мусоидат хоҳад кард.

КАФЕДРАИ ПЕДИАТРИЯ

   
 1 декабри соли равон    дар  саҳни Донишгоҳи давлатии тиббии Хатлон,  Майдони марказӣ ва бозори марказии ноҳияи Данғара аз ҳисоби фаъолони шуъбаи кор бо ҷавонони  ДДТХ бахшида ба “Рӯзи байналмилалии мубориза алайҳи Бемории норасоии масунияти одам” (ВИЧ СПИД) аксия гузаронида шуд.

Дар рафти аксия  ба ҳамаи  омӯзгорон  ва донишҷӯёни ДДТХ, инчунин сокинони ноҳияи Данғара тасмачаи сурх, ки рамзи  мубориза алайҳи СПИД дар тамоми ҷаҳон эътироф шудааст, варақаҳои  иттилоотии «5 қадам ба сӯи  нигоҳдории  ВНМО» ва «Ёддошт барои ҷавонон» тақсим карда шуд.   

Ҳадаф аз гузаронидани аксияи мазкур боз ҳам баланд бардоштани маърифату фарҳанги тиббӣ, бори дигар огоҳ намудани сокинони ноҳия, махсусан ҷавонон аз пешгирии бемории норасоии масунияти одам мебошад.  

Бояд қайд кард, ки  СПИД ин зинаи охирини ВИЧ мебошад. Имрӯзҳо тибқи маълумоти СММ  ҳар рӯз дар ҷаҳон 16 ҳазор нафар ба вируси норасоии масунияти бадан сироят меёбанд, ки тақрибан 50%-ро ҷавонони синнашон аз 14 то 20 сола ташкил медиҳанд.

 Аз рӯзи пайдо шудани ин беморӣ дар ҷаҳон тақрибан  60  млн. нафар  ба он сироят шуда, 20 млн нафари онҳо ба ҳалокат расидаанд, ки ин хеле ташвишовар мебошад.

Ёдовар мешавем, ки одамон ба бемории мазкур бо роҳҳои зерин сироят мешаванд:

 -  ҳангоми алоқаи ҷинсӣ бо шахсоне, ки гирифтори вируси ин беморӣ мебошанд. Он аз мард ба зан, аз зан ба мард, аз мард ба мард гузашта метавонад;

 -  ҳангоми хунгузаронӣ бо воситаи хуне, ки дар таркибаш ин вирус вуҷуд дорад. Бештари мубталоён нашъамандонанд, бахусус истеъмолкунандагони тазриқии маводи мухаддир. Бо як сӯзандору чанд нафар мухаддирот истеъмол мекунанд ва агар дар он ҷамъ 10 нафар бошаду яке сироятшуда, пас он даҳ тан ҳатман сироят меёбанд;

- аз модари дорандаи ин вирус ба кӯдак ҳангоми ҳомила, таваллуд ва шир додан аз пистон.

Инсоният соле як рӯз - аввали моҳи декабрро чун Рӯзи ҷаҳонии мубориза бо ин фалокати аср таъин кардааст, то ҳамагон эътироз кунанд: Нест бод ВНМО!                 

ШУЪБАИ КОР БО ҶАВОНОН

Подкатегории