Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

 

    Китоб ганҷинаи бузургу бебаҳои фарҳанги инсонист, ки мардуми маърифатпарвар дар ақсои олам онро бузургу гиромӣ доштанд ва ба ин васила ба пояи баланди илму тамаддуни хеш расиданд. Ҳамин рисолат дар донишгоҳи мо ҷойу мақоми хосаи худро дорад.

    Рӯзи 16-уми феврали соли 2019  ҷарроҳи варзида, мудири шуъбаи ҷарроҳии ҷигар, роҳҳои талхагузар ва ғадуди зери меъдаи Муассисаи давлатии «Беморхонаи клиникии шаҳрии ёрии таъҷилӣ» (ш.Душанбе) номзади илмҳои тиб Муродов Акбар  Исматуллоевич ба китобхонаи Донишгоҳи давлатии тиббии Хатлон 250 адад китобҳоро туҳфа намуданд. Ин эҳдои наҷиби   ҷарроҳи шинохта аз се номгӯи китобҳо оид  ба буриши лапораскопии талхадон, номияҳои ғадуди болои гурда ва ҷарроҳияи сатҳҳои хурд иборат аст, ки бешубҳо туҳфаи хеле арзандаест ҳам барои устудон ва ҳам барои донишҷӯёни мо.

     Раёсати Донишгоҳи давлатии тиббии Хатлон ба Акбар Исматуллоевич барои чунин иқдоми наҷибу ҷавонмардонааш изҳори миннатдорӣ  намуда, ҳамзамон иброз медорад, ки фонди китобхонаи донишгоҳ аз ҳисоби чунин сарсупурдагони ғамхору ҳимматбаланди илми тиби Тоҷикистон боз ҳам ғанитар хоҳад гашт.

Шуъбаи таҳлил, назорат ва робита бо ҷомеа

    

     Рӯзи 16-уми феврали соли 2019 дарси кушоди дотсенти кафедраи физиологияи ва морфологияи одам Бустонов М.О.   дар гурӯҳи 107-и факултети педиатрӣ баргузор гардид. Дар дарси кушод сармутахассис оид ба назорати сифати таълим Одинаев С.П., муовини ректор оид ба тарбия ва фарҳанг дотсент Усмонова У.Х., мудири кафедраи физиологияи ва морфологияи одам Зарипов И.А., омӯзгорони кафедраи мазкур Асоев С.П., Худойбердиев А. Қ., Назаров Ҷ., омӯзгорони кафедраи химия ва биологияи тиббӣ Султонмамади Г., Шарипова Ҳ., омӯзгорони кафедраи фармакология ва микробиология Қурбонзода Д., Камолзода С., омӯзгори кафедраи фанҳои клиникӣ  Омонов Э.А. иштирок намуданд. Мавзӯи дарс «Сохтори ядро. Усулҳои тақсимшавии  ҳуҷайра» буд. Сараввал  донишҷӯён оид ба мавзӯи гузашта «Сохти ситоплазма. Органоидҳо ва омезаҳо» маълумот дода, ба саволҳои устод ҷавоби мушаххас медоданд ва гоҳ-гоҳ устод ҷавобҳои ноқиси онҳоро пурра мекард.

   Дар охир сармутахассис оид ба назорати сифати таълим Одинаев С.П баромад карда, ба устод Бустонов М.О. барои чунин дарси пурмуҳтаво ва ба шогирдон барои иштироки фаъолонаашон изҳори миннатдорӣ намуданд. Ҳамзамон қайд карда шуд, ки дар сохтори таълимии донишгоҳи тиббӣ фанни гистология дар баробари фанни анатомияи одам, физиология, фармакология мавқеи хеле муҳим дорад. Аз ин сабаб бояд ба омӯзиши он диққати ҷиддӣ дода, асосҳои онро амиқ ва муфассал аз худ намудан лозим аст.

 

     Рӯзи 5-уми феврали соли 2019 ҷаласаи навбатии муовинати таълим бо иштироки муовинони ректор оид ба таълим Аҳмадов Ш.Р., оид ба илм ва нашрия Саидов И.З., оид ба тарбия ва фарҳанг Усмонова У.Х., сардори шуъбаи таълим Қурбонмамадов С.Х., декани факултетҳо Боронов Ҳ,, сардори шуъбаи кадрҳо Холов Ш.И., мушовири ректор оид ба масъалаҳои ҳуқуқӣ Азизуллоев А.А., мудирон ва омӯзгорони ҳамаи кафедраҳои донишгоҳ, кормандони ёрирасон баргузор гардид. Дар ҷаласа масъалаҳои сифати таҳсилот дар ДДТХ дар асоси дарсҳои ҷамъбастӣ ва натиҷаи сессияи зимистонаи соли таҳсили 2018-2019; фаъолияти таълимии ҳайати профессорону омӯзгорони донишгоҳ дар нимсолаи аввали соли таҳсили 2018-2019; интизоми меҳнат ва риояи муносибати байниҳамдигарии кормандон баррасӣ карда шуданд

    Оид ба сифати таҳсилот дар нимсолаи аввали соли таҳсили 2018-2019 сармутахассис оид ба назорати сифати таълим Одинаев С.П. , оид ба фаъолияти таълимии ҳайати профессорону омӯзгорони донишгоҳ дар нимсолаи аввали соли таҳсили 2018-2019 сардори шуъбаи таълим Қурбонмамадов С.Х. ахборот пешниҳод намуданд. Ҳамчунин сардори шуъбаи таълим Қурбонмамдов С.Х. оид ба ташкил намудани дарсҳои кушод дар кафедраҳо, ташкил намудани семинари омӯзишӣ оид ба низоми кредетии таҳсилот, баргузор намудани курси такмили ихтисос барои омӯзгорон маълумот доданд.

    Муовини ректор оид ба таълим Аҳмадов Ш.Р. ҷаласаро ҷамъбаст намуда, таъкид намуданд, ки нимсолаи дуюми соли таҳсил дар назди ҳайати профессорону оиӯзгорони Донишгоҳи давлатии тиббии Хатлон вазифаҳои навӣ таълимию илмӣ ва тарбиявию фарҳангӣ гузошта шудааст. Аз ин рӯ ба ҳамагон лозим меояд, ки таоми нерӯва сиёсати пешгирифтаи донишгоҳ ғайрати худро барои амалӣ намудани нақшаву чорабиниҳои пешбинишуда равона созанд.

Муовинати таълим

    Санаи 09.02.соли 2019 дар шаҳри Бохтар Конференсияи илмӣ таҳти унвони “Занон ва рушди илми муосир” бахшида ба рӯзи умумиҷаҳонии занон дар соҳаи илм баргузор гардид, ки бо ташаббус ва саҳмгузории Мақомоти иҷроияи ҳокимияти давлатии Вилояти Хатлон, Раёсати кор бо занон ва оила ва Донишгоҳи давлатии Бохтар ба номи Носири Хусрав ташкил шуд.   Иштирокчиёнро бо овози карнай ва сурнай ва дар пайроҳаҳои даромадгоҳи донишгоҳ  гулдухтарони либоси миллӣ дарбардошта, бо самимият пешвоз гирифтанд. Дар саҳни донишгоҳ чун анъана ва бузургдошти соли сипаришуда, намоиши ҳунарҳои мардумӣ ороста буданд. Сараввал, ҳамаи иштирокчиён дар толори фарҳангии донишгоҳ ҷамъ омаданд ва бо барномаи  конференсия шинос шуданд.                                                                                               

   Кори конференсияро д.и.ф., профессор Хидирзода Махфират Умар ва ректори Донишгоҳи давлатии Бохтар ба номи Носири Хусрав Шодиён Муҳаммад Султон ҳусни оғоз бахшида, иштирокчиёнро хайрамақдам ва муборакбод намуданд. Хидирзода М.У. дар баромадашон қайд намуданд, ки имсол занони муваффақ назар ба соли гузашта ду маротиба зиёд ҷамъ омаданд, ки ин хеле хушоянд аст. Шодиён М.С. дар бораи фаъолияти занон дар ҷомеа бисёр нуқтаҳои муҳимро ёдрас намуда, занонро чун донаи меҳр ва оғози зиндагӣ муаррифӣ намуданд.                                                                                                

    Кори конфронс дар панҷ бахш идома ёфт. Аз ДДТХ 3 нафар иштирок намуданд, ки дар бахши технологияи иттилоотӣ, табиӣ ва тиббӣ аз рӯи мавзӯъҳои илмиашон маърӯза намуданд. Мавзӯи мудири кафедраи фанҳои клиникӣ н.и.т., дотсент Кузибаева Н.К.,”Анализ заболеваемости детей дошкольного возраста по данным республиканской клинической больницы Дангаринского района”, мавзӯи омӯзгори кафедраи химия ва биологияи тиббӣ Шарипова Ҳ.Я.,”Потенсиали коррозионии хӯлаи Амг2, ки бо галлий легиронидашуда, дар муҳити электролити NaCI”, мавзӯи омӯзгори кафедраи фанҳои ҷомеъашиносӣ Мардонова Н.М. “Омӯзиши қабатҳои неолитии бошишгоҳи Кангуртут” буд, ки хело хуб баромад намуданд. Пас аз натиҷагирӣ намудан омӯзгорони мо яке аз беҳтаринҳо ҳисобида шуда, бо сипосномаҳо сарфароз гардонида шуданд.

Подкатегории